ഹൈക്കോടതി പരാമര്‍ശത്തിനെതിരെ അപ്പീല്‍ നല്കും

തിരുവനന്തപുരം: സംസ്ഥാനത്തെ ക്രമസമാധാന നില സംബന്ധിച്ച ഹൈക്കോടതി പരാമര്‍ശത്തിനെതിരെ മേല്‍ക്കോടതിയില്‍ അപ്പീല്‍ നല്‍കുമെന്ന്‌ മന്ത്രിസഭാ യോഗത്തിനുശേഷം മുഖ്യമന്ത്രി വി.എസ്‌.അച്യുതാനന്ദന്‍ പറഞ്ഞു. സംസ്ഥാന സര്‍ക്കാരിന്റെ ഭാഗം കേള്‍ക്കാതെയാണ്‌ ഹൈക്കോടതി പരാമര്‍ശം നടത്തിയത്‌.

ക്രമസമാധാന പാലനത്തില്‍ കേരളം ഒന്നാം സ്ഥാനത്താണെന്ന്‌ കേന്ദ്ര സര്‍ക്കാരും മാധ്യമ സര്‍വേകളും വ്യക്തമാക്കിയിട്ടുണ്ടെന്ന്‌ വിഎസ് ചൂണ്ടിക്കാണ്ടി.

സംസ്ഥാനത്തെ ക്രമസമാധാന നില തകര്‍ന്നുവെന്നും തിരഞ്ഞെടുപ്പ്‌ തന്ത്രങ്ങളില്‍ മുഴുകിയ ഭരണാധികാരികള്‍ ഇതൊന്നും അറിയുന്നില്ലെന്നും ഹൈക്കോടതി കഴിഞ്ഞ ദിവസം പരാമര്‍ശം നടത്തിയിരുന്നു.