എച്ച്‌ 1 ബി വിസ: ഏപ്രില്‍ 1 മുതല്‍ അപേക്ഷിക്കാം

വാഷിങ്‌ടണ്‍: എച്ച്‌ ഒണ്‍ ബി തൊഴില്‍ വിസയ്‌ക്കുള്ള അപേക്ഷ ഏപ്രില്‍ ഒന്നുമുതല്‍ ഏഴുവരെയുള്ള അഞ്ചു പ്രവൃത്തി ദിനങ്ങളില്‍ സ്വീകരിക്കുമെന്ന്‌ യുഎസ്‌ സിറ്റിസണ്‍ഷിപ്‌ ആന്റ്‌ ഇമിഗ്രേഷന്‍ സര്‍വീസസ്‌(യുഎസ്‌സിഐഎസ്‌) അറിയിച്ചു.

തൊഴില്‍ നിയമത്തില്‍ വരുത്തിയ ഭേദഗതികള്‍ ഉള്‍പ്പെടുന്ന പുതിയ അപേക്ഷയാണ്‌ നല്‍കേണ്ടത്‌. സാമ്പത്തിക രക്ഷാ പദ്ധതിയുടെ ആനുകൂല്യം പറ്റിയ സ്ഥാപനങ്ങള്‍ അമേരിക്കക്കാരായ തൊഴിലാളികലെ പിരിച്ചുവിട്ട സ്ഥാനത്തല്ല പുതിയ നിയമനമെന്ന്‌ വ്യക്തമാക്കുന്ന തൊഴില്‍വകുപ്പിന്റെ അനുമതി പത്രത്തോടെ വേണം അപേക്ഷ സമര്‍പ്പിക്കാന്‍.

അതുപോലെ യുഎസ്‌ മാസ്‌റ്റേഴ്‌‌സ്‌ ഡിഗ്രി നേടിയ വിദേശികള്‍ക്കാണ്‌ ആദ്യ 20,000 വിസ നല്‍കുക, വിദ്യാഭ്യാസ ഗവേഷണ സ്ഥാപനങ്ങളില്‍ ജോലിചെയ്യുന്നവര്‍ക്ക്‌ ഇക്കാര്യത്തില്‍ ഇളവുണ്ട്‌.

2010 ലേയ്‌ക്ക്‌ യുഎസ്‌ കോണ്‍ഗ്രസ്‌ അനുമതി നല്‍കിയിട്ടുള്ള 65,000 വിസയ്‌ക്കുള്ള അപേക്ഷ ഏപ്രില്‍ ആദ്യവാരത്തില്‍ ലഭിച്ചില്ലെങ്കില്‍ തുടര്‍ന്നും സ്വീകരിക്കും.