ജീവനക്കാര്ക്ക് എന്ജിഒയില് ചേരാം: ഇന്ഫോസിസ്
ന്യൂയോര്ക്ക്: സാമ്പത്തിക പ്രതിസന്ധി മൂലം തൊഴില് നഷ്ടഭീഷണി നേരിടുന്ന ജീവനക്കാര്ക്ക് പ്രമുഖ ഐടി കമ്പനിയായ ഇന്ഫോസിസ് ബദല് സംവിധാനങ്ങള് ഏര്പ്പെടുത്തുന്നു.
മാന്ദ്യത്തെത്തുടര്ന്ന് പ്രൊജക്ടുകള് കുറയുന്ന സാഹചര്യത്തില് വേണ്ടത്ര ജോലിയില്ലാതെ ഓപീസില് കഴിയേണ്ടിവരുന്നവര്ക്കാണ് തൊഴില് സംരക്ഷണത്തിനായി ഇന്ഫോസിസ് പുതിയ ഒരു നിര്ദ്ദേശം മുന്നോട്ടുവച്ചിരിക്കുന്നത്.
ഇത്തരം ജീവനക്കാര്ക്ക് എന്ജിഒ കളില് ചേര്ന്ന് പ്രവര്ത്തിക്കാമെന്നാണ് കമ്പനി പറയുന്നത്. ഇതിന് തയ്യാറാവുന്നവര്ക്ക് ഒരു വര്ഷം വരെ ഇവരുടെ ഇപ്പോഴത്തെ ശംബളത്തിന്റെ പകുതി നല്കുകയും ചെയ്യുമെന്ന് ഇന്ഫോസിസിന്റെ സഹസ്ഥാപകനായ നന്ദന് നിലേക്കനി പറഞ്ഞു.
സാമ്പത്തിക മാന്ദ്യം നിലനില്ക്കുന്നുണ്ടെങ്കിലും കമ്പനി നിയമനങ്ങളൊന്നും നിര്ത്തിവച്ചിട്ടില്ലെന്നും എന്നാല് വളരെ സെലക്ടീവ് ആയാണ് ഇത് നടപ്പിലാക്കുന്നതെന്നും അദ്ദേഹം വ്യക്തമാക്കി.
കഴിഞ്ഞ വര്ഷം മാര്ച്ച് അവസാനത്തോടെ കാമ്പസ് റിക്രൂട്മെന്റ് വഴി തിരഞ്ഞെടുത്തവര്ക്കെല്ലാം വൈകാതെ നിയമന ഉത്തരവ് നല്കും. 18000 പേരെയാണ് ഇപ്രകാരം പുതിയതായി നിയമിക്കുക.
തുടക്കക്കാര്ക്ക് ഒരു പക്ഷേ കമ്പനിയില് വേണ്ടത്ര ജോലിയുണ്ടായേക്കില്ലെന്നതുകൊണ്ടാണ് ഒരു വര്ഷത്തേയ്ക്ക് എന്ജിഒയില് പ്രവര്ത്തിക്കാമെന്ന നിര്ദ്ദേശം മുന്നോട്ടുവയ്ക്കുന്നത്-അദ്ദേഹം വിശദീകരിച്ചു.
സോഫ്റ്റ്വേര്നിര്മ്മാണത്തിന് പുറമെ മാധ്യമം, ഫാര്മസ്യൂട്ടിക്കല്, തുടങ്ങിയ പുതിയ രംഗങ്ങളിലേയ്ക്ക് ചുവടുവയ്പ് നടത്താന് കമ്പനി ഉദ്ദേശിക്കുന്നുണ്ടെന്നും അദ്ദേഹം അറിയിച്ചു.