ലാവലിന്: തീരുമാനം ഉടന്വേണമെന്ന് ഗവര്ണര്
തിരുവനന്തപുരം: ലാവലിന് കേസില് സിപിഎം സംസ്ഥാന സെക്രട്ടറി പിണറായി വിജയനെ പ്രോസിക്യൂട്ട് ചെയ്യാന് അനുമതി നല്കുന്ന കാര്യത്തില് ഉടന്തന്നെ ആവശ്യമായ നടപടി സ്വീകരിക്കണമെന്ന് ഗവര്ണര് ആര്എസ് ഗവായ് മുഖ്യമന്ത്രി വിഎസ് അച്യുതാനന്ദനോട് ആവശ്യപ്പെട്ടു.
കേസില് പ്രോസിക്യൂഷന് അനുമതി അനിശ്ചിതമായി നീട്ടിക്കൊണ്ടുപോകുന്നുവെന്ന് കാണിച്ച് പ്രതിപക്ഷ നേതാവ് ഉമ്മന് ചാണ്ടിയുടെ നേതൃത്വത്തില് യുഡിഎഫ് നേതാക്കള് നല്കിയ നിവേദനത്തിന്റെ പകര്പ്പ് ഗവര്ണര് മുഖ്യമന്ത്രിയ്ക്ക് അയച്ചു. ഇതിനൊപ്പമാണ് വേഗത്തില് നടപടി എടുക്കാന് ആവശ്യപ്പെട്ടുകൊണ്ടുള്ള കത്തും നല്കിയിരിക്കുന്നത്.
കേസിലെ നിയമ നടപടികള് തിരഞ്ഞെടുപ്പ് മുന്നില് കണ്ട് സര്ക്കാര് മനപ്പൂര്വ്വം വൈകിക്കുകയാണെന്നാരോപിച്ച് യുഡിഎഫ് നേതാക്കള് വെള്ളിയാഴ്ചയാണ് ഗവര്ണറെ കണ്ടത്. യുഡിഎഫ് നേതാക്കള് നല്കിയ നിവേദനം പരിശോധിച്ച് ഉചിതമായ നടപടി സ്വീകരിക്കണമെന്നാണ് ഗവര്ണര് കത്തില് നിര്ദ്ദേശിച്ചിരിക്കുന്നത്.
പിണറായിയെ പ്രോസിക്യൂട്ട് ചെയ്യാന് അനുമതി നല്കുന്നതു സംബന്ധിച്ച് അഭിപ്രായം ആരാഞ്ഞുകൊണ്ട് ഗവര്ണര് ഫിബ്രവരി രണ്ടിന് മുഖ്യമന്ത്രിയ്ക്ക് കത്തു നല്കിയിരുന്നു. അഡ്വക്കേറ്റ് ജനറലിന്റെ നിയമോപദേശം തേടാനായിരുന്നു മന്ത്രിസഭയുടെ തീരുമാനം. മൂന്നാഴ്ചയാണ് അന്ന് സമയം അനുവദിച്ചത്.
എന്നാല് ഇതിനിടയില് ലാവലിന് കേസില് സമര്പ്പിക്കപ്പെട്ട പൊതുതാല്പര്യ ഹര്ജിയില് വിധി പറഞ്ഞ ഹൈക്കോടതി തീരുമാനമെടുക്കാന് സര്ക്കാറിന് മെയ് 11വരെ സമയം നല്കി. ഇതോടെ പ്രോസിക്യൂഷന് നടപടികള് അനിശ്ചിതമായി നീളുകയായിരുന്നു. കേസ് സംബന്ധിച്ച കൂടുതല് രേഖകള് കഴിഞ്ഞ ദിവസം അഡ്വക്കേറ്റ് ജനറല് ആവശ്യപ്പെട്ടതോടെ നിയമോപദേശം ഇനിയും വൈകുമെന്ന് ഉറപ്പായി.
എന്തായാലും ഗവര്ണര് കത്തയച്ച സംഭവം ലാവലിന് കേസിനെ വീണ്ടും സജീവമാക്കിയിരിക്കുകയാണ്. ഗവര്ണറുടെ കത്ത് ചൂണ്ടിക്കാട്ടി നിയമോപദേശം വൈകിക്കരുതെന്ന് അഡ്വക്കേറ്റ് ജനറലിനോട് മുഖ്യമന്ത്രിയ്ക്ക് ആവശ്യപ്പെടാം. മെയ് 11വരെ കോടതി സമയം നല്കിയതിനാല് കത്തിന്മേല് ഉടന് തീരുമാനമെടുക്കാതിരിക്കാനും മുഖ്യമന്ത്രിയ്ക്കു കഴിയും. എന്തായാലും മുഖ്യമന്ത്രി തിരഞ്ഞെടുക്കുന്നവഴി നിര്ണായകമാകുമെന്ന കാര്യത്തില് സംശയമില്ല.
-
ഖത്തറിന്റെ കടുത്ത നടപടി; വിസ ഓണ് അറൈവല് റദ്ദാക്കി, യാത്രക്കാര്ക്ക് നിര്ദേശവുമായി പാക് എംബസി -
ഫോർട്ട് കൊച്ചി- വൈപ്പിൻ ഭൂഗർഭ തുരങ്കപാത; കാത്തിരിപ്പ് നീളുന്നു, 30 മാസം വേണം പൂർത്തിയാവാൻ, ഇനിയെന്ത്? -
പാചകവാതക വിലയിൽ വൻ വർധനവ്; സാധാരണക്കാർക്ക് ഇരുട്ടടി! പുതുക്കിയ നിരക്കുകൾ ഇങ്ങനെ -
കേരളത്തിൽ ഭരണമാറ്റം വരുന്നു? തെക്കൻ കേരളത്തിലും യുഡിഎഫ് മുന്നേറ്റം, ബിജെപിക്ക് സീറ്റ് കിട്ടും, പ്രവചനം -
'രഞ്ജിത്ത് തന്റെ സിനിമയിലെ സ്ത്രീ വിരുദ്ധത നിത്യ ജീവിതത്തിലും പ്രായോഗികവൽക്കരിക്കുന്നു'; ഡോ. ബിജു -
സ്വര്ണവില കുതിച്ചുകയറി; ഇനി വന് മുന്നേറ്റം, ഒരു പവന് ആഭരണത്തിന് 1.20 ലക്ഷം രൂപ, ഗ്രാം വില അറിയാം -
എൽഡിഎഫും യുഡിഎഫും ഞെട്ടും, ബിജെപി കേരളത്തിൽ കുതിക്കും? സർവ്വേ ഫലം ഇങ്ങനെ -
'വല്ലാത്ത തിളപ്പ് എടുക്കല്ലേ സഖാവെ,പിഷാരടിയെ തടഞ്ഞത് എന്തിനെന്ന് അന്വേഷിക്ക്';അഖിൽ മാരാർ -
സ്വര്ണം പിടിവിടുന്നു; വൈകീട്ട് വന് വില വര്ധന, ഇന്ന് 2 തവണ ഉയര്ന്നു, പുതിയ പവന് വില അറിയാം -
ഇറാനെതിരായ യുദ്ധത്തില് യുഎസ് പിന്മാറുകയാണെന്ന് ട്രംപ്; 'ആവശ്യമെങ്കില് മടങ്ങിയെത്തും' -
ഇറാനിൽ പ്രസിഡന്റ് വെറും ഡമ്മി? അധികാരം റെവല്യൂഷണറി ഗാർഡ് പിടിച്ചെടുത്തു, മൊജ്തബയും ഇരുട്ടിൽ -
സുരേഷ് ഗോപി വിചാരണ നേരിടണം; തൃശൂര് എംപി സ്ഥാനം തെറിക്കുമോ? പരാതി ഇങ്ങനെ
Click it and Unblock the Notifications
Sign in with Google