Click it and Unblock the Notifications
Just In
Don't Miss
-
IPL 2024: ഇന്ത്യക്ക് വേണ്ട, പക്ഷെ സഞ്ജുവിന്റെ തുറുപ്പു ചീട്ട്! തന്റെ തന്ത്രം വെളിപ്പെടുത്തി സന്ദീപ് -
ചാണക്യനീതി: അഗ്നിയേക്കാള് നിങ്ങളെ പൊള്ളിക്കും ഈ മൂന്ന് കാര്യങ്ങള്, ചങ്ക് തകരും -
വിദേശ മലയാളികളുടെ ശ്രദ്ധയ്ക്ക്, സർപ്രൈസ് വെളളപ്പൊക്കത്തിൽ നിന്ന് വാഹനം എങ്ങനെ സംരക്ഷിക്കാം -
ചെരുപ്പിടാതെ നടന്നതിന് വെട്ടാന് ചെരുപ്പ്, പൂഴിക്കടകനിട്ട് തിരിച്ചുവെട്ടി ജാസ്മിന്; മിണ്ടാതിരുന്നവരെ പൊക്കി -
മൂന്ന് വർഷം കൊണ്ട് നൽകിയത് 1430% ലാഭം, ഈ സ്മോൾ ക്യാപ് ഓഹരി പൊളിയല്ലേ, നിങ്ങൾക്ക് നിക്ഷേപമുണ്ടോ..? -
രാജമാണിക്യം ലെവൽ റോമിങ് പ്ലാനുമായി എയർടെൽ; 184 രാജ്യങ്ങൾ സന്ദർശിക്കാൻ ഒരൊറ്റ റീച്ചാർജ് മതി -
വോട്ട് ചെയ്ത് തിരികെ പോകാം.. ഏപ്രിൽ 30 വരെ കെഎസ്ആർടിസി ബാംഗ്ലൂർ-കേരളാ സ്പെഷ്യൽ സർവീസ്
പ്രിയങ്കയുടെ ഭര്‍തൃപിതാവ്‌ ജീവനൊടുക്കി
ദില്ലി: കോണ്‍ഗ്രസ്‌ അധ്യക്ഷ സോണിയ ഗാന്ധിയുടെ മകള്‍ പ്രിയങ്കയുടെ ഭര്‍ത്താവ്‌ റോബര്‍ട്ട്‌ വാധ്രയുടെ പിതാവ്‌ രജീന്ദര്‍ വാധ്രയെ തൂങ്ങിമരിച്ചനിലയില്‍ കണ്ടെത്തി.
ദക്ഷിണ ദില്ലിയിലെ ഗസ്റ്റ്‌ ഹൗസിലെ മുറിയില്‍ ഫാനില്‍ തൂങ്ങിമരിച്ച നിലയിലാണ്‌ മൃതദേഹം കണ്ടെത്തിയത്‌. ഹോസ്‌കോസ്‌ മേഖലയിലെ സിറ്റി ഇന്നിലെ ജീവനക്കാരാണ്‌ ആദ്യം ഇദ്ദേഹത്തെ തൂങ്ങിമരിച്ചനിലയില്‍ കണ്ടെത്തിയത്‌.
വെള്ളിയാഴ്‌ച രാവിലെ 9.30തോടെയായിരുന്നു ജീവനക്കാര്‍ ഫാനില്‍ തൂങ്ങിക്കിടക്കുന്ന നിലയില്‍ രജീന്ദറിനെ കണ്ടത്‌. ജീവനുണ്ടെന്ന്‌ കരുതി ഉടന്‍തന്നെ അദ്ദേഹത്തെ ആശുപത്രിയിലെത്തിയെങ്കിലും മരണം നേരത്തേ സംഭവിച്ചതായി ഡോക്ടര്‍മാര്‍ അറിയിച്ചു.
മൃതദേഹം സഫ്‌ദര്‍ജംഗ്‌ ആശുപത്രിയില്‍ പോസ്‌റ്റ്‌ മോര്‍ട്ടം നടത്തി. അറുപത്‌ വയസ്സ്‌ കഴിഞ്ഞ രജീന്ദര്‍ വധേര ഗുരുതരമായ കരള്‍ രോഗത്തെത്തുര്‍ന്ന്‌ സൂപ്പര്‍ സ്‌പെഷ്യാലിറ്റി മാക്‌സ്‌ ആശുപത്രിയില്‍ ചികിത്സയിലായിരുന്നുവെന്ന്‌ പോലീസ്‌ പറഞ്ഞു.
പോസ്‌റ്റ്‌ മോര്‍ട്ടത്തിന്‌ ശേഷം മൃതദേഹം കുടുംബത്തിന്‌ വിട്ടുകൊടുത്തു. വൈകീട്ട്‌ ലോധി ശ്‌മശാനത്തില്‍ സംസ്‌കാരം നടത്തി.
ഉത്തര്‍പ്രദേശിലെ മൊറാദാബാദില്‍ കരകൗശല സംബന്ധമായ ബിസിനസ്‌ ചെയ്‌തുവരുകയായിരുന്നു രജീന്ദര്‍. ഏതാനും വര്‍ഷങ്ങളായി റോബര്‍ട്ട്‌ വധേരയുമായി നല്ല ബന്ധത്തിലായിരുന്നില്ലത്രേ.
പ്രിയങ്കയുമായുള്ള റോബര്‍ട്ടിന്റെ വിവാഹം ഇദ്ദേഹത്തിന്‌ ഇഷ്ടമായിരുന്നില്ലെന്നും സൂചനയുണ്ട്‌. റോബര്‍ട്ടിന്റെ സഹോദരി മിഷേല്‍ ഏതാനും വര്‍ഷം മുമ്പ്‌ ഒരു കാറപകടത്തില്‍ മരിക്കുകയും ചെയ്‌തിരുന്നു.
