ഇറ്റലിയില് ഭൂചലനം: 17 മരണം
റോം: ഇറ്റലിയുടെ ചില ഭാഗങ്ങളില് ശക്തമായ ഭൂചലനം അനുഭവപ്പെട്ടു. ഭൂചലനത്തില് 17 പേര് മരിക്കുകയും ഒട്ടേറെ പേരെ കാണാതാകുകയും ചെയ്തു. ഒട്ടേറെപ്പേര്ക്ക് പരുക്കേറ്റിട്ടുമുണ്ട്.
റോമിലും മധ്യ ഇറ്റലിയിലുമാണ് പ്രധാനമായും റിച്ചര് സ്കെയിലില് 6.7 രേഖപ്പെടുത്തിയ ചലനം അനുഭവപ്പെട്ടത്.
അബ്രുസോയ്ക്കടുത്ത് ഫോസയില് വീട് തകര്ന്ന് ഒരു സ്ത്രീയും കുട്ടിയും മരിച്ചു. മരിച്ചവരില് മറ്റ് നാലു പേരും കുട്ടികളാണന്നാണ് ആസ്പത്രി വൃത്തങ്ങള് അറിയിച്ചത്. തിങ്കളാഴ്ച പ്രാദേശിക സമയം പുലര്ച്ചെ 3.35നാണ് ചലനം അനുഭവപ്പെട്ടത്.
അക്വില, അബ്രുസോ തുടങ്ങിയ സ്ഥലങ്ങളില് ചലനത്തെത്തുടര്ന്ന് പരിഭ്രാന്തരായ ജനങ്ങള് വീടുകളില് നിന്നും പുറത്തേക്കിറങ്ങി ഓടി. വീടുകളില് മിക്കവയ്ക്കും കേടുപാടുകള് പറ്റിയിട്ടുണ്ട്.
നൂറ്റാണ്ടുകള് പഴക്കമുള്ള ഒട്ടേറെ വന് കെട്ടിടങ്ങള് ഇറ്റലിയിലുണ്ട്. അതുകൊണ്ട് തന്നെ ഏറെ ശക്തമായ ചലനമുണ്ടായാല് അപകടത്തിന്റെ ആഘാതം കൂടുതലായിരിക്കുമെന്ന് വിലയിരുത്തപ്പെടുന്നു.
ഞായറാഴ്ച വടക്കന് ഇറ്റലിയില് 4.6 തീവ്രതയുള്ള ഭൂചലനം അനുഭവപ്പെട്ടിരുന്നു.1908ല് 7.2 തീവ്രതയുള്ള ഭൂകമ്പം ഇറ്റലിയില് 72,000 പേരുടെ ജീവന് കവര്ന്നിരുന്നു. 1980ല് 6.5 തീവ്രതയുള്ള ഭൂചലനത്തില് 3000 പേര് മരിച്ചു.