കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

അമ്മമാര്‍ ഇങ്ങനെയായാല്‍ ?

  • By Staff
Google Oneindia Malayalam News

യൂണിയന്‍ടൗണ്‍(പെന്‍സില്‍വാനിയ): അമ്മയുണ്ട്‌ വീട്ടില്‍ അമ്മയെന്റെ ദൈവം എന്ന്‌ ചെറിയ ക്ലാസുകളില്‍ അധ്യാപകര്‍ ഉരുവിട്ടു പഠിപ്പിച്ച കാര്യം തല്‍ക്കാലത്തേയ്‌ക്ക്‌ നമുക്ക്‌ മറക്കാം. കാരണം ചെകുത്താന്മാരേക്കാള്‍ ക്രൂരമായി പ്രവര്‍ത്തിക്കുന്ന അമ്മമാരും നമുക്കുചുറ്റുമുണ്ടെന്നുള്ളത്‌ പണ്ടേ വെളിവാക്കപ്പെട്ട സത്യമാണ്‌.

ഇതാ പെന്‍സില്‍വാനിയക്കാരിയായ ഷാന ബ്രൗണ്‍ എന്ന മുപ്പത്തിരണ്ടുകാരിയായ അമ്മ മകളോട്‌ ചെയ്‌ത ഒരു കൊടും പാതകത്തിന്റെ കഥ. പീഡനത്തിന്‌ ഇരയാക്കപ്പെട്ട മകള്‍ക്ക്‌ പ്രായം 13വയസ്സുമാത്രം.

ഈ മകളുണ്ടായിക്കഴിഞ്ഞ ശേഷം ഇതേവരെ ഷാനയ്‌ക്ക്‌ കുഞ്ഞുങ്ങളുണ്ടായില്ല. ഈ പെണ്‍കുട്ടിയുടെ പിതാവുമായുള്ള ദാമ്പത്യം അവസാനിപ്പിച്ച ഷാന ഇപ്പോള്‍ ഡ്യൂന്‍ കലോവെ(40) എന്ന കാമുകനൊപ്പമാണ്‌ ജീവിക്കുന്നത്‌. ഇയാളുടെ കുട്ടികള്‍ക്ക്‌ ജന്മം നല്‍കണമെന്ന്‌ ആഗ്രഹിച്ചിരുന്നെങ്കിലും ഷാനയ്‌ക്ക്‌ അതിന്‌ സാധിച്ചില്ല.

അപ്പോഴാണ്‌ ഇതിനായി മകളെ ഉപയോഗപ്പെടുത്തുകയെന്ന ആശയം അവരുടെ മനസ്സിലുദിച്ചത്‌. കാമുകനും ഇക്കാര്യത്തില്‍ പൂര്‍ണ സമ്മതം. തനിക്കുവേണ്ടി രണ്ടാനച്ഛന്റെ കുഞ്ഞിനെ ഗര്‍ഭം ധരിക്കാനുള്ള അമ്മയുടെ അഭ്യര്‍ത്ഥന മകള്‍ നിരസിച്ചു. അപ്പോള്‍ മകള്‍ പോലും അറിയാതെ കാര്യം സാധിച്ചെടുക്കാനായി ഷാനയുടെ ശ്രമം.

ഇതിന്‌ മുമ്പ്‌ ഡ്യൂണ്‍ രണ്ടുതവണ പെണ്‍കുട്ടിയെ ലൈംഗികമായി പീഡിപ്പിക്കാന്‍ ശ്രമിക്കുകയും ചെയ്‌തിരുന്നുവത്രേ. ഇത്തവണ ഷാനയും ഡ്യൂണും കൂടിയാണ്‌ പദ്ധതികള്‍ ആസൂത്രണം ചെയ്‌തത്‌. പെപ്‌സിയില്‍ മദ്യം ചേര്‍ത്ത്‌ കൊടുത്ത്‌ ബോധം കെടുത്തിയശേഷം തന്റെ ആഗ്രഹം സാധിക്കാനായി മകളെ ഉപയോഗിക്കുകയെന്നതായിരുന്നു ഷാനയുടെ തന്ത്രം.

പെപ്‌സി കഴിച്ചപ്പോള്‍ത്തന്നെ തനിക്ക്‌ തലകറങ്ങുന്നതായി തോന്നിയെന്നും മയക്കം വിട്ടുണര്‍ന്നപ്പോള്‍ തന്റെ വസ്‌ത്രങ്ങള്‍ നീക്കം ചെയ്‌തതായി മനസ്സിലായെന്നും ആ സമയത്ത്‌ ഡ്യൂണ്‍ മുറിയിലുണ്ടായിരുന്നുവെന്നും പെണ്‍കുട്ടിയുടെ പരാതിയില്‍ പറയുന്നു.

ഇതിന്‌ മുമ്പ്‌ ഫെബ്രുവരിയിലാണ്‌ ഇയാള്‍ ഷാന പിസ വാങ്ങാനായി പുറത്തുപോയ സമയത്ത്‌ കുട്ടിയെ പീഡിപ്പിക്കാന്‍ ശ്രമിച്ചത്‌. പെപ്‌സിയില്‍ മദ്യം ചേര്‍ത്ത്‌ മാനഭംഗപ്പെടുത്തിയ സംഭവം നടന്നത്‌ രണ്ടാഴ്‌ചയ്‌ക്കു മുമ്പാണെന്ന്‌ പൊലീസ്‌ പറയുന്നു. സംഭവത്തെക്കുറിച്ച്‌ അന്വേഷണം നടന്നുകൊണ്ടിരിക്കുകയാണെന്നും പൊലീസ്‌ വൃത്തങ്ങള്‍ അറിയിച്ചു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X