കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

വൃത്തിക്കാരന്‍ ഭര്‍ത്താവിനെ ഭാര്യ ഉപേക്ഷിച്ചു

  • By Staff
Google Oneindia Malayalam News

Cleaning Man
ബര്‍ലിന്‍: വലിയ അടുക്കും ചിട്ടയുമൊന്നുമില്ലാത്ത ഭാര്യയോട്‌ വൃത്തിയുടെ പേരില്‍ സ്ഥിരമായി വഴക്കിടുന്ന ഒരു ഭര്‍ത്താവാണോ നിങ്ങള്‍? എന്നാല്‍ സൂക്ഷിക്കുക. വൃത്തിക്കാരനായ നിങ്ങളെ സഹിക്കാന്‍ കഴിയാതെ ഒരു പക്ഷേ ഭാര്യ ഉപേക്ഷിച്ചു പോയെന്നിരിക്കും.

ജര്‍മ്മനിയില്‍ 15വര്‍ഷം നീണ്ട ദാമ്പത്യബന്ധമാണ്‌ വൃത്തി പ്രശ്‌നം കാരണം തകര്‍ന്നത്‌. ഭര്‍ത്താവിന്റെ അമിതമായ ശുചിത്വ ബോധം സഹിക്കാന്‍ കഴിയാതെ ഭാര്യ അദ്ദേഹത്തെ ഉപേക്ഷിച്ചു.

എപ്പോഴും വീടും പരിസരവും തൂത്തും തുടച്ചും നടക്കുകയും വീട്ടുപകരണങ്ങള്‍ അടുക്കിപ്പെറുക്കി വയ്‌ക്കുകയും ചെയ്യുന്ന ഭര്‍ത്താവിന്റെ ശീലം ഇത്രയും കാലം അവര്‍ സഹിക്കുകയായിരുന്നുവത്രേ.

ഈയിടെ വീടിന്റെ ഭിത്തിയില്‍ ചെളി പറ്റിയപ്പോള്‍ ഭിത്തി പൊളിച്ച്‌ കളഞ്ഞ്‌ പുതിയത്‌ പണിതതോടെയാണ്‌ ഭര്‍ത്താവിന്റെ വൃത്തിരോഗത്തിന്റെ തീവ്രത ഭാര്യയ്‌ക്കു പിടികിട്ടിയത്‌. പിന്നെ ഭാര്യ അമാന്തിച്ചില്ല വിവാഹമോചനം ആവശ്യപ്പെട്ട്‌ കോടതിയെ സമീപിച്ചു.

എന്തായാലും അമിത വൃത്തിക്കാരനായ ഭര്‍ത്താവിനെ ഉപേക്ഷിക്കാന്‍ കോടതി ഭാര്യയ്‌ക്ക്‌ അനുമതി നല്‍കിക്കഴിഞ്ഞു. കേസ്‌ പരിഗണിച്ച ജഡ്‌ജി ഇത്‌ തീര്‍ത്തും അപൂര്‍വ്വമായ ഒരു വിവാഹമോചനക്കേസാണെന്നാണത്രേ പറഞ്ഞത്‌.

എന്തിനും രണ്ടുവശമുണ്ടെന്നല്ലേ? ഇയാള്‍ ചെയ്‌തതില്‍ എന്താണൊരു തെറ്റെന്നു ചോദിക്കുന്നവരും എങ്ങനെ 15 വര്‍ഷം ആ സ്‌ത്രീ ഇങ്ങനെയൊരാളെ സഹിച്ചു എന്നിങ്ങനെ പലതരം അഭിപ്രായങ്ങളും സംശയങ്ങളുമാണ്‌ വാര്‍ത്ത വായിച്ച ആളുകള്‍ പങ്കുവയ്‌ക്കുന്നത്‌.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X