Click it and Unblock the Notifications
Just In
Don't Miss
-
പുതിയ എസ്യുവിക്ക് 20 കി.മീ മൈലേജ്! ആളുകള് ഇനി ക്യൂ നില്ക്കാന് പോകുന്നത് മഹീന്ദ്ര ഷോറൂമിന് മുന്നില് -
എന്റെ ഏഴ് ആഴ്ച കളഞ്ഞു; അവൻ ഒരു വാക്ക് പറഞ്ഞാൽ മതിയായിരുന്നു; പൊട്ടിക്കരഞ്ഞ് ജാസ്മിൻ -
ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി -
IPL 2024: മുംബൈയും ചെന്നൈയുമല്ല; വസീം അക്രമിന്റെ ഇഷ്ട ഐപിഎല് ടീം മറ്റൊന്ന് -
ദാമ്പത്യത്തിന്റെ ഒന്നാമത്തെ നിയമം: വിവാഹജീവിതത്തിലേക്ക് കുടുംബക്കാരെ പ്രവേശിപ്പിക്കാതിരിക്കുക -
ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം -
തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി
ഇന്‍ഫോസിസ്‌ 2100 പേരെ പിരിച്ചുവിട്ടു
ബാംഗ്ലൂര്‍: കാമ്പസ്‌ റിക്രൂട്ട്മെന്റ് വഴി ജോലി വാഗ്‌ദാനം നല്‍കിയ ഇരുപതിനായിരത്തോളം പേര്‍ക്ക്‌ നിയമനം നല്‍കുമെന്ന്‌ ആവര്‍ത്തിച്ച്‌ വ്യക്തമാക്കിയതിനിടെ ഇന്‍ഫോസിസ്‌ 2100 ജീവനക്കാരെ പിരിച്ചുവിട്ടു.
ജോലിയില്‍ മികവില്ലെന്ന്‌ ചൂണ്ടിക്കാണിച്ചാണ്‌ ഇത്രയും പേരെ പിരിച്ചുവിട്ടിരിക്കുന്നത്‌. ജീവനക്കാര്‍ക്ക്‌ മികവു കാണിക്കാന്‍ അവസരം നല്‍കിയിരുന്നുവെന്നും ഒട്ടം മെച്ചപ്പെടാത്തവരോടും തീരെ കുറച്ചുമാത്രം പ്രവര്‍ത്തനം മെച്ചപ്പെടുത്തിയവരോടുമാണ്‌ പിരിഞ്ഞുപോകാന്‍ ആവശ്യപ്പെട്ടതെന്നും ഇന്‍ഫോസിസിന്റെ മനുഷ്യ വിഭവശേഷി വിഭാഗം തലവന്‍ മോഹന്‍ദാസ്‌ പൈ അറയിച്ചു.
സാമ്പത്തിക മാന്ദ്യത്തിന്റെ പശ്ചാത്തലത്തില്‍ ജീവനക്കാരുടെ എണ്ണം കുറച്ച്‌ പരമാവധി നേട്ടമുണ്ടാക്കുകയെന്ന തന്ത്രത്തിന്റെ ഭാഗമായാണ്‌ പിരിച്ചുവിടല്‍. ഇന്നത്തെ സാമ്പത്തിക പശ്ചാത്തലത്തില്‍ മികവില്ലായ്‌മ തീരെ അനുവദിക്കാനാവാത്ത കാര്യമാണെന്ന്‌ കമ്പനി സിഇഒ ക്രിസ്‌ ഗോപാലകൃഷ്‌ണനും വ്യക്തമാക്കി.
ജീവനക്കാരെ ഒഴിവാക്കിയത്‌ വര്‍ഷാവര്‍ഷം നടക്കുന്ന നപടിക്രമങ്ങളുടെ ഭാഗം മാത്രമാണെന്നാണ്‌ അധികൃതര്‍ പറയുന്നത്‌. സാധാരണ അഞ്ചു ശതമാനത്തോളം പേര്‍ ഒഴിവാക്കപ്പെടാറില്ലെന്നും ഇത്തവണ അതിനേക്കാള്‍ കുറവാണ്‌ പിരിച്ചുവിട്ടവരുടെ എണ്ണമെന്നും ഇവര്‍ പറയുന്നു. ഇപ്പോള്‍ പരിശീലനത്തിലിരിക്കുന്നവരുള്‍പ്പെടെ 1,05,000 ജീവനക്കാരാണ്‌ ഇന്‍ഫോസിസിനുള്ളത്‌.
