വരുണിന്റെ ജാമ്യാപേക്ഷ 16 പരിഗണിയ്ക്കും
ദില്ലി: തിരഞ്ഞെടുപ്പ് പ്രചാരണത്തിനിടെ മുസ്ലീംങ്ങള്ക്കെതിരെ പ്രസംഗിച്ച് ജയിലിലായ ബിജെപി സ്ഥാനാര്ത്ഥി വരുണ് ഗാന്ധിയുടെ ജാമ്യാപേക്ഷ സുപ്രീം കോടതി 16ലേയ്ക്ക് മാറ്റി.
വരുണിന് പറയാനുള്ളത് എന്താണെന്ന് സത്യവാങ്മൂലം സമര്പ്പിക്കാനും കോടതി നിര്ദ്ദേശിച്ചിട്ടുണ്ട്. വര്ഗീയപ്രസംഗം നടത്തിയെന്നാരോപിച്ച് അറസ്റ്റുചെയ്ത വരുണിനെതിരെ പിന്നീട് ദേശീയ സുരക്ഷാ നിയമമനുസരിച്ചുകൂടി കേസെടുക്കുകയായിരുന്നു.
ഇതിനെത്തുടര്ന്ന് അദ്ദേഹത്തിന് ജയിലില് നിന്നും പുറത്തുവരാന് കഴിഞ്ഞില്ല. ഇതിനിടെ വരുണ് ജാമ്യാപേക്ഷ സമര്പ്പിച്ചതിനെത്തുടര്ന്ന് വരുണ് രാജ്യത്തിന് ഭീഷണിയാണെന്ന് കാണിച്ച് യുപി സര്ക്കാര് മജിസ്ട്രേട്ട് കോടതി വഴി സത്യവാങ്മൂലം സമര്പ്പിക്കുകയും ചെയ്തിരുന്നു.
ദേശീയ സുരക്ഷാ നിയമപ്രകാരം കേസെടുത്ത സാഹചര്യത്തില് കേസില് തീരുമാനമാകുന്നതുവരെ പുറത്തുവിടണമെന്നതാണ് വരുണിന്റെ ആവശ്യം. ചീഫ് ജസ്റ്റഇസ് കെജി ബാലകൃഷ്ണന്, ജസ്റ്റിസ് പി സദാശിവം എന്നിവരുള്പ്പെട്ട ബഞ്ചാണ് വരുണിന്റെ ഹര്ജി പരിഗണിച്ചത്.