Click it and Unblock the Notifications
Just In
Don't Miss
-
കറങ്ങുന്ന കസേരയ്ക്ക് മുടക്കിയ കാശ് ഖുദാ ഹവാ; നവകേരള ബസ് ഇനി റൂട്ടിലോടും -
ബംബർ ഐപിഒ വീക്ക്, വിപണിയിലേക്കെത്തുന്നത് 4 കമ്പനികൾ, ഇഷ്യൂ സൈസ്, പ്രൈസ് ബാൻഡ് വിവരങ്ങളറിയാം -
IPL 2024: ഇവനെയൊക്കെ ഞങ്ങളുടെ കയ്യില് കിട്ടണം...; ധോണി പുകഴ്ത്തി സിഎസ്കെയെ കളിയാക്കി ഐസ് ലാന്റ് ക്രിക്കറ്റ് -
ശോഭനയുടെ പെരുമാറ്റം; ബാലചന്ദ്രമേനോൻ ദേഷ്യപ്പെട്ട് ബിസ്കറ്റ് വലിച്ചെറിഞ്ഞു; അനുഭവങ്ങൾ പങ്കുവെച്ച് വിജി തമ്പി -
1000 കിലോ ഭാരം, 15 അടി നീളം; ലോകത്തിലെ ഏറ്റവും വലിയ പാമ്പ് വാസുകിയുടെ ഫോസില് കണ്ടെത്തി -
വേനല് ചൂടോ.. ഇവിടെയോ? ഇത് സൈലന്റ് വാലിയാണ്.. വരൂ കാട്ടിൽ സഫാരി പോകാം -
ചാർജിന്റെ കാര്യത്തിൽ ആശങ്ക വേണ്ട, ഇവിയിൽ ധൈര്യമായി ട്രിപ്പ് പോവാം; കൂട്ടിന് കിടിലൻ ഫീച്ചറുമായി ഗൂഗിൾ മാപ്പ്
വനിതാ ചാവേറുകള്‍ക്ക്‌ പരിശീലനം നല്‍കുന്നു
ദില്ലി: ഇന്ത്യയിലേയ്‌ക്ക്‌ കടത്തിവിടുന്നതിനായി വനിതാ ഭീകരര്‍ക്ക്‌ അതിര്‍ത്തിയ്‌ക്കപ്പുറത്ത്‌ പരിശീലനം നല്‍കുന്നതായി റിപ്പോര്‍ട്ട്‌.
അല്‍ ക്വയ്‌ദ, താലിബാന്‍ എന്നീ സംഘടനകളുടെ സഹായത്തോടെ ലഷ്‌കര്‍ ഇ തൊയ്‌ബയാണ്‌ വനിതാ ചാവേറുകള്‍ക്ക്‌ പരിശീലനം നല്‍കുന്നതെന്നാണ്‌ റിപ്പോര്‍ട്ടില്‍ പറയുന്നത്‌.
പരിശീലനം പൂര്‍ത്തിയാക്കിയ വനിതാ ഭീകരര്‍ ജമ്മു-കശ്‌മീരിലേയ്‌ക്ക്‌ നുഴഞ്ഞുകയറാനുള്ള ശ്രമത്തിലാണത്രേ. കഴിഞ്ഞ ദിവസം ജമ്മുവിലെ പുല്‍വാമ ജില്ലയില്‍ കൊല്ലപ്പെട്ട രണ്ട്‌ ജയ്‌ഷെ മുഹമ്മദ്‌ ഭീകരരുടെ മൊബൈല്‍ ഫോണില്‍ നിന്നാണ്‌ ഇതുസംബന്ധിച്ച വിവരങ്ങള്‍ ലഭിച്ചതെന്ന്‌ റിപ്പോര്‍ട്ടില്‍ വ്യക്തമാക്കിയിട്ടുണ്ട്‌.
ഇപ്പോഴത്തെ സാഹചര്യത്തില്‍ വനിതാ ചാവേറുകളെ ഉപയോഗിച്ച്‌ ഭീകരര്‍ രാജ്യത്ത്‌ ആക്രമണം നടത്താനുള്ള സാധ്യത തള്ളിക്കളയാന്‍ കഴിയില്ലെന്ന്‌ കരസേനാ മേധാവി ദീപക്‌ കപൂര്‍ പറഞ്ഞു.
നൂറുമുതല്‍ നൂറ്റിയമ്പതുവരെ വനിതകള്‍ക്ക്‌ ഇസ്ലാമബാദിലെ ലാല്‍ മസ്‌ജിദില്‍ ആയുധ പരിശീലനം നല്‍കിയതായി നേരത്തേ റിപ്പോര്‍ട്ടുകളുണ്ടായിരുന്നു. അതിര്‍ത്തി രക്ഷാ സേനയുടെ പിടിയിലായ ഒരു വനിതാ തീവ്രവാദിയാണ്‌ ഇക്കാര്യം വെളിപ്പെടുത്തിയിരുന്നത്‌.
ഇതുകൂടാതെ പാക്‌ അധിനിവേശ കശ്‌മീരിലെ ചിലയിടങ്ങളിലും വനിതകള്‍ക്ക്‌ ആയുധ പരിശീലനം നല്‍കുന്നതായി റിപ്പോര്‍ട്ടുകള്‍ ഉണ്ട്‌.
1991 മെയില്‍ തമിഴ്‌നാട്ടിലെ ശ്രീപെരുമ്പത്തൂരില്‍ നടന്ന പരിപാടിക്കിടെ മുന്‍പ്രധാനമന്ത്രി രാജീവ്‌ ഗാന്ധിയെ എല്‍ടിടിഇയുടെ വനിതാ ചാവേര്‍ കൊലപ്പെടുത്തിയതില്‍പ്പിന്നെ മറ്റൊരു വനിതാ ചാവേര്‍ ആക്രമണം ഇന്ത്യയില്‍ റിപ്പോര്‍ട്ട്‌ ചെയ്യപ്പെട്ടിട്ടില്ല.
