ചാവ്ല മുഖ്യ തിരഞ്ഞെടുപ്പ് കമ്മീഷണര്
ദില്ലി: മുഖ്യ തിരഞ്ഞെടുപ്പ് കമ്മീഷണറായി നവീന് ചാവ്ല സ്ഥാനമേറ്റു. കോണ്ഗ്രസിനോട് പ്രതിപത്തി പുലര്ത്തുന്ന ചാവ്ലയെ കമ്മീഷനില്നിന്ന് ഒഴിവാക്കണമെന്ന് രാഷ്ട്രപതിയ്ക്ക് ശുപാര്ശ നല്കിയ എന് ഗോപാലസ്വാമി വിരമിക്കുന്ന ഒഴിവിലാണിത്. ഇതാദ്യമായാണ് തിരഞ്ഞെടുപ്പിനിടെ മുഖ്യ തിരഞ്ഞെടുപ്പ് കമ്മീഷണര് സ്ഥാനമൊഴിഞ്ഞത്.
തിരഞ്ഞെടുപ്പ് കമ്മീഷനിലെ മുതിര്ന്ന അംഗമാണ് 64 കാരനായ ചാവ്ല. അടുത്തവര്ഷം ജൂണ് 29 വരെ അദ്ദേഹത്തിന് പദവിയില് തുടരാം. ലോക്സഭ തിരഞ്ഞെടുപ്പിന്റെ ഇനിയുള്ള ഘട്ടങ്ങള്ക്ക് ചാവ്ലയാണ് മേല്നോട്ടം വഹിക്കുക. തിരഞ്ഞെടുപ്പ് കമ്മീഷനിലെ മൂന്നാമത്തെ അംഗമായി വി.എസ്.സമ്പത്തും ചുമതലയേറ്റു.
2005 മെയ് 13 നാണ് ചാവ്ല കമ്മീഷന് അംഗമായി ചുമതലയേറ്റത്. അതേ സമയം ചാവ്ലയെ എതിര്ക്കുന്ന ബിജെപി തിരഞ്ഞെടുപ്പ് കമ്മീഷനെതിരെ നിശിത വിമര്ശനങ്ങളുമായി രംഗത്തെത്തിയിട്ടുണ്ട്. ലോക്സഭാ തിരഞ്ഞെടുപ്പിന് മതിയായ സുരക്ഷ ഏര്പ്പെടുത്താന് കമ്മീഷന് കഴിഞ്ഞില്ലെന്ന് ബിജെപി ആരോപിച്ചു.