സാമ്പത്തിക മേഖലയെ പുനരുജ്ജീവിപ്പിയ്ക്കും
ഗുവാഹത്തി: അധികാരത്തില് തിരിച്ചെത്തിയാല് സാമ്പത്തിക മേഖലയെ പുനരുജ്ജീവിപ്പിയ്ക്കുന്നതിന് 100 ദിന പദ്ധതികള് ആവിഷ്ക്കരിച്ച് നടപ്പാക്കുമെന്ന് പ്രധാനമന്ത്രി ഡോ മന്മോഹന് സിങ്.
നിലവിലുള്ള ഉത്തേജന പദ്ധതികള്ക്ക് ഊര്ജ്ജം പകരുമെന്നും തൊഴില് നഷ്ടമുണ്ടാകുന്നത് തടയുമെന്നും പ്രധാനമന്ത്രി പറഞ്ഞു. ഒരു ദേശീയ പത്രത്തിന് നല്കിയ അഭിമുഖത്തിലാണ് പ്രധാനമന്ത്രി ഇക്കാര്യങ്ങള് വെളിപ്പെടുത്തിയത്.
9-10 ശതമാനം വളര്ച്ച നേടുന്ന വിധം സാമ്പത്തിക മേഖലയെ പുനരുജ്ജീവിപ്പിയ്ക്കുകയാണ് ലക്ഷ്യം. രക്ഷാപദ്ധതികള്ക്ക് കൂടുതല് ഊര്ജ്ജം പകരുന്നതിലൂടെ സാമ്പത്തിക മേഖലയുടെ ആത്മവിശ്വാസം വര്ദ്ധിപ്പിയ്ക്കാമെന്നും പ്രധാനമന്ത്രി പ്രതീക്ഷ പ്രകടിപ്പിച്ചു.
ടെക്സ്റ്റൈല്, സിമന്റ് നിര്മാണ വ്യവസായ മേഖലകളെ കേന്ദ്രീകരിച്ചായിരിക്കും സാമ്പത്തിക മേഖലയെ പുനരുജ്ജീവിപ്പിയ്ക്കുക. ബിജെപിയുടെ തിരഞ്ഞെടുപ്പ് വാഗ്ദാനമായ വിദേശ ബാങ്കുകളിലെ കള്ളപ്പണം ഇന്ത്യയിലേക്ക് തിരിച്ചു കൊണ്ടുവരുമെന്ന പ്രഖ്യാപനം 100 ദിന പദ്ധതിയില് ഉള്പ്പെടുത്തുമെന്നും സിങ് വ്യക്തമാക്കി. എന്നാല് അദ്വാനി വെളിപ്പെടുത്തിയ കള്ളപ്പണത്തിന്റെ കണക്കുകള് അംഗീകരിയ്ക്കാന് പ്രധാനമന്ത്രി തയാറായില്ല.
തീവ്രാവാദവും ആഭ്യന്ത രാഷ്ട്രീയ പ്രശ്നങ്ങളും മൂലം തകര്ച്ച നേരിട്ടു കൊണ്ടിരിയ്ക്കുന്ന പാകിസ്താനെക്കുറിച്ച് പരാമര്ശിച്ച സിങ് തങ്ങള് വീണ്ടും അധികാരത്തിലെത്തിയാല് ഇന്ത്യയിലെ സുരക്ഷാ, ഇന്റലിജന്റ്സ് സംവിധാനങ്ങള് പരിഷ്ക്കരിയ്ക്കുമെന്നും വ്യക്തമാക്കി.