മാന്ദ്യം അവസാനിക്കുന്നു: ജി7 നേതാക്കള്‍

വാഷിങ്‌ടണ്‍: സാമ്പത്തിക മാന്ദ്യത്തില്‍ നിന്നും കരകയറാനുള്ള ശ്രമങ്ങള്‍ക്കായി ഒരുമിച്ച്‌ പ്രവര്‍ത്തിക്കുമെന്ന്‌ ഏഴ്‌ പ്രമുഖ വ്യാവസായിക രാജ്യനേതാക്കള്‍ പ്രഖ്യാപിച്ചു.

ഈ വര്‍ഷം അവസാനത്തോടെ മാന്ദ്യം അവസാനിക്കും സാമ്പത്തിക മാന്ദ്യത്തിന്റെ ഏറ്റവും മോശമായ ഘട്ടം കഴിഞ്ഞുവെന്നും ജി-7 നേതാക്കള്‍ സംയുക്ത പ്രസ്‌താവനയില്‍ പറഞ്ഞു.

സാമ്പത്തിക രംഗം ശക്തിപ്രാപിക്കുന്നതിന്റെ സൂചനകള്‍ കണ്ടുതുടങ്ങി. എങ്കിലും മാന്ദ്യം മറികടക്കാനുള്ള ശ്രമങ്ങളുമായി മുന്നോട്ടുപോകും. ഇനി ഇത്തരത്തിലുള്ള സ്ഥിതി ഉണ്ടാകാതിരിക്കാനുള്ള മുന്‍കരുതല്‍ സ്വീകരിക്കുമെന്നും നേതാക്കള്‍ പറഞ്ഞു.

ജി-7 രാജ്യങ്ങളിലെ ധനമന്ത്രിമാരും സെന്‍ട്രല്‍ ബാങ്ക്‌ തലവന്മാരുമാണ്‌ യോഗത്തില്‍ പങ്കെടുത്തത്‌.