സ്വാധീനത്തില്‍ മുന്നില്‍ മൂട്ട്‌; സോണിയ 63ആമത്‌

ന്യൂയോര്‍ക്ക്‌: ലോകത്തില്‍ ഏറ്റവും ജനസ്വാധീനമുള്ള 100 വ്യക്തികളില്‍ ഇന്ത്യയില്‍ നിന്നും മൂന്നുപേര്‍. കോണ്‍ഗ്രസ്‌ അധ്യക്ഷ സോണിയ ഗാന്ധി, രത്തന്‍ ടാറ്റ, റോണി സ്‌കെയര്‍വാല എന്നിവരാണ്‌ ഇന്ത്യയില്‍ നിന്നും ഈ പട്ടികയില്‍ ഉള്‍പ്പെട്ടത്‌.

ടൈം മാദസിന്‍ സര്‍വ്വേ നടത്തി തയ്യാറാക്കിയ പട്ടികയില്‍ സോണിയയ്‌്‌ക്ക്‌ അറുപത്തിമൂന്നാം സ്ഥാനമാണ്‌. റോണി സ്‌കെയര്‍വാലയ്‌ക്ക്‌ എഴുപതാം സ്ഥാനവും രത്തന്‍ ടാറ്റയ്‌ക്കു തൊണ്ണൂറ്റിയേഴാം സ്ഥാനവുമാണുള്ളത്‌.

മൂട്ട്‌ എന്ന പേരില്‍ അറിയപ്പെടുന്ന ക്രിസ്റ്റഫര്‍ പൂലെയാണ്‌ ലോകത്തിലെ ഏറ്റവും ജനസ്വാധീനമുള്ള വ്യക്തിയായി തിരഞ്ഞെടുക്കപ്പെട്ടത്‌. ഓണ്‍ലൈന്‍ കമ്യൂണിറ്റി നിര്‍മ്മിച്ചാണ്‌ ഇരുപത്തിയൊന്നുകാരനായ മൂട്ട്‌ പ്രസിദ്ധനായത്‌.

അമേരിക്കന്‍ പ്രസിഡന്റ്‌ ബരാക്‌ ഒബാമ, തിബറ്റന്‍ ആത്മീയ നേതാവ്‌ ദലൈലാമ എന്നിവരെ പിന്തള്ളിയാണ്‌ കോളജ്‌ വിദ്യാര്‍ത്ഥിയായ മൂട്ട്‌ ഒന്നാം സ്ഥാനം നേടിയത്‌. പട്ടികയില്‍ ഒബാമയ്‌ക്ക്‌ മുപ്പത്തിയേഴാം സ്ഥാനവും ദലൈലാമയ്‌ക്ക്‌ അറുപത്തിയൊന്നാം സ്ഥാനവുമാണ്‌ ലഭിച്ചത്‌.

ചിത്രങ്ങള്‍ ഹോസ്‌റ്റ്‌ ചെയ്യാനും ഓണ്‍ലൈന്‍ ചര്‍ച്ചകള്‍ക്കും അവസരം നല്‍കുന്ന മൂട്ടിന്റെ വെബ്‌സൈറ്റിന്റെ ഹിറ്റ്‌ വളരെക്കൂടുതലാണ്‌.

വോട്ടെടുപ്പില്‍ പങ്കെടുത്തവരില്‍ നൂറില്‍ തൊണ്ണൂറു ശതമാനം പേരും പ്രശസ്‌തിയുടെ കാര്യത്തില്‍ മൂട്ടിനെയാണ്‌ പിന്തുണച്ചത്‌. മൊത്തം 1,67,94,368 വോട്ടുകളാണ്‌ മൂട്ട്‌ നേടിയത്‌. 4chan.org ആണ് മൂട്ട് നിര്‍മ്മിച്ച ഓണ്‍ലൈന്‍ കമ്യൂണിറ്റി

താലിബാന്‍ നേതാവ്‌ ബൈത്തുള്ള മെഹ്‌സൂദ്‌ പട്ടികയില്‍ നാലാം സ്ഥാനം നേടിയെന്നത്‌ എല്ലാവരെയും അതിഅതിശയിപ്പിച്ച കാര്യമാണ്‌.