കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

അഭയ കേസ്‌: പ്രതികള്‍ക്കും സിബിഐക്കും നോട്ടീസ്‌

  • By Staff
Google Oneindia Malayalam News

ദില്ലി: അഭയ കേസിലെ പ്രതികളായ ഫാദര്‍ തോമസ്‌ കോട്ടൂര്‍, ഫാദര്‍ ജോസ്‌ പൂതൃക്കയില്‍, സിസ്റ്റര്‍ സെഫി എന്നിവര്‍ക്കും കേസ്‌ അന്വേഷിയ്‌ക്കുന്ന സിബിഐയ്‌ക്കും നോട്ടീസ്‌ അയക്കാന്‍ സുപ്രീം കോടതി ഉത്തരവിട്ടു.

പ്രതികള്‍ക്ക്‌ ജാമ്യം അനുവദിച്ച ഹൈക്കോടതി നടപടി റദ്ദാക്കണമെന്ന്‌ ആവശ്യപ്പെട്ട്‌ അഭയയുടെ പിതാവ്‌ നല്‌കിയ ഹര്‍ജിയിലാണ്‌ നടപടി. സുപ്രീം കോടതിയുടെ മാര്‍ഗ്ഗനിര്‍ദ്ദേശങ്ങള്‍ പാലിയ്‌ക്കാതെയാണ്‌ ജാമ്യം അനുവദിച്ചതെന്ന്‌ ഹര്‍ജിയില്‍ പറയുന്നു.

കേസിന്റെ തുടരമ്പേഷണങ്ങളെ പോലും ബാധിയ്‌ക്കുന്ന രീതിയില്‍ തെളിവുകളെ കുറിച്ച്‌ ഹൈക്കോടതിയില്‍ ചര്‍ച്ചകള്‍ നടന്നു. ഇതിന്‌ പുറമെ ജാമ്യം അനുവദിയ്‌ക്കുന്നതിനിടെ ജസ്റ്റിസ്‌ ഹേമ നടത്തിയ ചില പരാമര്‍ശങ്ങല്‍ നീക്കണമെന്നും ഹര്‍ജിക്കാരന്‍ ആവശ്യപ്പെട്ടിട്ടുണ്ട്‌.

അതിനിടെ ഹര്‍ജിയില്‍ വിധിപ്രസ്‌താവം നടത്തുന്നതിന്‌ മുമ്പ്‌ തങ്ങളുടെ വാദം കൂടി കേള്‍ക്കണമെന്ന്‌ ആവശ്യപ്പെട്ട്‌ മൂന്ന്‌ പ്രതികളും നല്‌കിയ ഹര്‍ജി സുപ്രീം കോടതി ഫയലില്‍ സ്വീകരിച്ചു.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X