ഗോധ്ര കലാപം: അതിവേഗക്കോടതികള് സ്ഥാപിക്കണമെന്ന്
ദില്ലി: ഗുജറാത്ത് കലാപക്കേസുകള് വാദിക്കുന്നതിനായി സംസ്ഥാനത്തിനകത്ത് ആറ് അതിവേഗക്കോടതികള് സ്ഥാപിക്കണമെന്ന് സുപ്രീം കോടതി നിര്ദ്ദേശം.
കലാപക്കേസുകള് സംസ്ഥാനത്തിന് പുറത്ത് വാദിക്കണെന്ന അപേക്ഷ നിരസിച്ചുകൊണ്ടാണ് സുപ്രീം കോടതി അതിവേഗക്കോടതികള് സ്ഥാപിക്കാന് ഉത്തരവിട്ടിരിക്കുന്നത്.
നടപടികള് പൂര്ത്തിയാക്കി മൂന്നുമാസത്തിനുള്ളില് റിപ്പോര്ട്ട് നല്കാനും കോടതി നിര്ദ്ദേശിച്ചിട്ടുണ്ട്. ഗുജറാത്ത് ഹൈക്കോടതി ചീഫ് ജസ്റ്റിസ് വിചാരണ നടപടികള്ക്ക് മേല്നോട്ടം വഹിക്കണമെന്നും നിര്ദ്ദേശമുണ്ട്.
കേസ് അന്വേഷണിച്ച പ്രത്യേക അന്വേഷണ സംഘത്തിന്റെ നിര്ദ്ദേശം മാനിച്ചാണ് സുപ്രീം കോടതി കേസ് ഗുജറാത്തില്ത്തന്നെ തുടരാന് നിര്ദ്ദേശിച്ചത്.
കേസ് സംസ്ഥാനത്തിനകത്ത് വാദിക്കുമ്പോള് സാക്ഷികളുടെ സുരക്ഷ ഉറപ്പുവരുത്താനാകില്ലെന്നും മറ്റേതെങ്കിലും സംസ്ഥാനത്ത് കേസ് പരിഗണിക്കണമെന്നും കാണിച്ച് മനുഷ്യാവകാശ കമ്മീഷനാണ് ഹര്ജി നല്കിയിരുന്നത്.
എന്നാല് കേസ് ഗുജറാത്തിന് പുറത്തേയ്ക്ക് മാറ്റേണ്ടതില്ലെന്നും സാക്ഷികള്ക്കു വേണ്ട സംരക്ഷണം നല്കി വിചാരണം തുടരമെന്നും പ്രത്യേക അന്വേഷണ സംഘം സുപ്രീം കോടതിയെ അറിയിക്കുകയായിരുന്നു.
സിബിഐ മുന് മേധാവി ആര്.കെ രാഘവന്റെ നേതൃത്വത്തിലുള്ള പ്രത്യേക അന്വേഷണ സംഘത്തിന് വിചാരണ നടപടികള് നിരീക്ഷിക്കാമെന്നും എന്തെങ്കിലും പരാതിയുണ്ടെങ്കില് ഹൈക്കോടതിയെയും സുപ്രീം കോടതിയെയും സമീപിക്കാമെന്നും കോടതി അറിയിച്ചിട്ടുണ്ട്.