കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

പിണറായി അഭിനവ സ്റ്റാലിനാവാന്‍ ശ്രമിക്കുന്നു: ഹസന്‍

  • By Staff
Google Oneindia Malayalam News

തിരുവനന്തപുരം: ഉമ്മന്‍ചാണ്ടിയോട്‌ അഹിംസ ഉപദേശിക്കാനും വയലാര്‍ രവിയെ വിരട്ടാനും സിപിഎം സംസ്ഥാന സെക്രട്ടറി പിണറായി വിജയന്‍ ആളായിട്ടില്ലെന്ന്‌ കോണ്‍ഗ്രസ്‌ നേതാവ്‌ എംഎം ഹസന്‍.

അക്രമരാഷ്ട്രീയത്തിലന്റെ അപ്പോസ്‌തലനാണ്‌ പിണറായി. അഭിനവ സ്റ്റാലിന്‍ എന്ന്‌ പേര്‌ നേടാനാണ്‌ പിണറായിയുടെ ശ്രമം. മാര്‍ക്‌സിസ്റ്റ്‌ പാര്‍ട്ടിയും പൊലീസും ചേര്‍ന്ന്‌ കേരളത്തില്‍ ജനപ്രതികളുടെ വരെ സ്വസ്ഥത കെടുത്തുകയാണ്‌. കായംകുളം എംഎല്‍എ സികെ സദാശിവനെ കൊല്ലാന്‍ ശ്രമിച്ചത്‌ പിണറായി ഗ്രൂപ്പിന്റെ അറിവോടെയാണെന്ന്‌ സംശയമുണ്ട്‌. - ഹസ്സന്‍ പറഞ്ഞു.

തിരുവനന്തപുരത്ത്‌ നടത്തിയ വാര്‍ത്താസമ്മേളനത്തില്‍ സംസാരിക്കുകയായിരുന്നു അദ്ദേഹം. കണ്ണൂരിലെ സിപിഎം അക്രമങ്ങളില്‍ പ്രതിഷേധിച്ച്‌ മെയ്‌ അഞ്ചിന്‌ കണ്ണൂര്‍ സ്റ്റേഡിയം ഗ്രൗണ്ടില്‍ ഉമ്മന്‍ചാണ്ടി ഉപവാസം നടത്തുമെന്ന്‌ ഹസന്‍ അറിയിച്ചു.

പൂതാടി തട്ടിക്കൊണ്ടുപോകല്‍ സംഭവത്തില്‍ പ്രതിഷേധിച്ച്‌ തിങ്കളാഴ്‌ച വയനാട്‌ എസ്‌പി ഓഫീസിലേയ്‌ക്ക്‌ കോണ്‍ഗ്രസ്‌ മാര്‍ച്ച്‌ നടത്താനും തീരുമാനിച്ചിട്ടുണ്ട്‌.

വാര്‍ത്താസമ്മേളനത്തില്‍ മുഖ്യമന്ത്രി വിഎസ്‌ അച്യുതാനന്ദനെതിരെയും ഹസന്‍ വിമര്‍ശന ശരം തൊടുത്തു. ആരാച്ചാരുടെ അഹിംസാ പ്രസംഗം പോലെയാണ്‌ വഎസിന്റെ പ്രസംഗമെന്നാണ്‌ ഹസ്സന്‍ പറഞ്ഞത്‌.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X