6വയസ്സുകാരിയെ പീഡിപ്പിച്ച 70കാരന് അറസ്റ്റില്
ലഖ്നൊ: ഉത്തര്പ്രദേശിലെ കബീര് നഗര് ജില്ലയിലെ ഒരു ഗ്രാമത്തില് എഴുപത് വയസ്സുകാരന് ആറു വയസ്സുകാരിയെ ലൈംഗികമായി പീഡിപ്പിച്ചു.
മധുരപലഹാരങ്ങള് നല്കാമെന്ന പറഞ്ഞ് കുട്ടിയെ പ്രലോഭിപ്പിച്ച് വീട്ടില് കൊണ്ടുവന്നാണത്രേ ഇയാള് ഈ ക്രൂരത ചെയ്തത്. കുട്ടിയുടെ മാതാപിതാക്കളുടെ പരാതിപ്രകാരം ഇയാളെ പൊലീസ് അറസ്റ്റുചെയ്തു.
വെള്ളിയാഴ്ച വൈകീട്ടാണത്രേ സംഭവം നടന്നത്. കൂട്ടുകാര്ക്കൊപ്പം കളിക്കുകയായിരുന്ന കുട്ടി തിരിച്ച് വീട്ടിലേയ്ക്ക് പോകുമ്പോഴാണ് ഇയാള് മധുരപലഹാരങ്ങള് നല്കാമെന്ന് പറഞ്ഞ് പ്രലോഭിപ്പിച്ച് സ്വന്തം വീട്ടിലേയ്ക്ക് കൊണ്ടുപോയത്.
കുട്ടിയുടെ അയല്വാസികൂടിയാണ് ഇയാള്. പലഹാരം വാങ്ങാനായി വീട്ടിനുള്ളിലേയ്ക്ക് കയറിയ കുട്ടിയെ ബലമായി പിടിച്ച് വായില് തുണി തിരുകിയശേഷമാണത്രേ ഇയാള് ലൈംഗികമായി പീഡിപ്പിച്ചത്.
സംഭവം അറിഞ്ഞശേഷം ശനിയാഴ്ചയാണ് കുട്ടിയുടെ മാതാപിതാക്കള് പൊലീസില് പരാതി നല്കുന്നത്. വൈദ്യ പരിശോധനയില് കുട്ടി ലൈംഗികമായി പീഡിപ്പിക്കപ്പെട്ടതായി തെളിഞ്ഞിട്ടുണ്ട്. കുട്ടിയെ ആശുപത്രിയില് പ്രവേശിപ്പിച്ചിരിക്കുകയാണെന്ന് പൊലീസ് അറിയിച്ചു.
വൃദ്ധന് ഏതാനും വര്ഷങ്ങളായി സ്വന്തം കുടുംബത്തില് നിന്നുമകന്ന് മറ്റൊരു വീട്ടില് തനിച്ചാണത്രേ താമസം. പീഡിപ്പിക്കപ്പെട്ട കുട്ടിയുടെ അതേ പ്രായത്തിലുള്ള ഒരു പേരക്കുട്ടി ഇയാള്ക്കുണ്ടെന്നും പൊലീസ് പറഞ്ഞു.