കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

സിപിഎം-തൃണമൂല്‍ സംഘര്‍ഷം: ബംഗാളില്‍ 6 മരണം

  • By Staff
Google Oneindia Malayalam News

കൊല്‍ക്കത്ത: ബംഗാളിലെ നന്ദിഗ്രാമിലും ഹുഗ്ലിയിലും സിപിഎം, തൃണമൂല്‍ കോണ്‍ഗ്രസ്‌ പ്രവര്‍ത്തകര്‍ തമ്മിലുണ്ടായ സംഘര്‍ഷങ്ങളില്‍ 6 പേര്‍ മരിക്കുകയും ഒട്ടേറെപ്പേര്‍ക്ക്‌ പരുക്കേല്‍ക്കുകയും ചെയ്‌തു.

ഹുഗ്ലി ജില്ലയിലെ ഉല്‍ബേരിയയിലും നന്ദിഗ്രാമിലെ ഗോകുല്‍നഗറിലുമാണ്‌ പ്രവര്‍ത്തകര്‍ പരസ്‌പരം ഏറ്റുമുട്ടിയത്‌. നന്ദിഗ്രാമില്‍ രണ്ടും ഹുഗ്ലിയില്‍ നാലും ആളുകളാണ്‌ മരിച്ചത്‌. ഹുഗ്ലിയില്‍ കൊല്ലപ്പെട്ടത്‌ സിപിഎം പ്രവര്‍ത്തകരാണ്‌.

ഇതുമായി ബന്ധപ്പെട്ട്‌ പത്ത്‌ തൃണമൂല്‍ പ്രവര്‍ത്തകരെ അറസ്റ്റുചെയ്‌തിട്ടുണ്ട്‌. ഇവിടെ സംഘര്‍ഷാവസ്ഥ നിലനില്‍ക്കുകയാണെന്നാണ്‌ റിപ്പോര്‍ട്ടുകള്‍ സൂചിപ്പിക്കുന്നത്‌.

വ്യാഴാഴ്‌ച നടന്ന തിരഞ്ഞെടുപ്പില്‍ ഉണ്ടായ സംഘര്‍ഷത്തിന്റെ തുടര്‍ച്ചയാണ്‌ ശനിയാഴ്‌ചത്തെ സംഭവമെന്നാണ്‌ സൂചന. തിരഞ്ഞെടുപ്പ്‌ ദിനത്തില്‍ ബൂത്തുപിടിക്കലുമായി ബന്ധപ്പെട്ട്‌ ഇരുവിഭാഗവും ഏറ്റുമുട്ടിയിരുന്നു. അക്രമം നടന്ന പ്രദേശങ്ങളില്‍ പൊലീസിനെ വിന്യസിച്ചിട്ടുണ്ട്‌.

സംഘര്‍ഷം അവസാനിപ്പിക്കുന്നതിനായി നേതാക്കളുമായി പൊലീസ്‌ ചര്‍ച്ചകള്‍ തുടങ്ങി. സംഭവത്തെത്തുടര്‍ന്ന്‌ തൃണമൂല്‍ കോണ്‍ഗ്രസ്‌ 12മണിക്കൂര്‍ ബന്ദിന്‌ ആഹ്വാനം ചെയ്‌തിട്ടുണ്ട്‌.

വ്യാഴാഴ്‌ചയുണ്ടായ സംഘര്‍ഷത്തില്‍ രണ്ടുവയസ്സുകാരി വെടിയേറ്റു മരിച്ചിരുന്നു. കുഞ്ഞിന്റെ അമ്മയ്‌ക്കും വെടിയേറ്റിട്ടുണ്ട്‌. ഇവര്‍ ചികിത്സയിലാണ്‌. വെള്ളിയാഴ്‌ച ഹൗറയില്‍ സിപിഎം നേതാവിന്റെ പതിനഞ്ചുവയസ്സുള്ള മകന്‍ കൊല്ലപ്പെട്ടതായും ശനിയാഴ്‌ച ഉദയ്‌നാരായണ്‍ പൂരില്‍ അമ്പതുകാര്‍ കൊല്ലപ്പെട്ടതായും റിപ്പോര്‍ട്ടുകളുണ്ട്‌.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X