വൈലത്തൂര് പെണ്വാണിഭം: പ്രതികളെ വെറുതെ വിട്ടു
മഞ്ചേരി: വൈലത്തൂര് പെണ്വാണിഭക്കേസിലെ ഏഴു പ്രതികളെയും കുറ്റക്കാരല്ലെന്ന് കണ്ട് കോടതി വെറുതെ വിട്ടു.
മഞ്ചേരി ജൂഡീഷ്യല് ഫസ്റ്റ് ക്ലാസ് മജിസ്ട്രേട്ട് കോടതിയാണ് വിധി പറഞ്ഞത്. പീഡനത്തിനിരയായ പെണ്കുട്ടിയും പിതാവും ഉള്പ്പെടെയുള്ളവര് കൂറുമാറിയ കേസില് മൊത്തം 10 പ്രതികളാണുള്ളത്.
2006 ആഗസ്ത് 10 മുതല് 16 വരെ വൈലത്തൂരുള്ള 18കാരിയെ ജോലി വാഗ്ദാനം ചെയ്ത് തട്ടിക്കൊണ്ടുപോയി നാടുകാണി, കോട്ടയ്ക്കല്, കോഴിക്കോട് എന്നിവിടങ്ങളില് വച്ച് പീഡിപ്പിച്ചുവെന്നാണ് കേസ്.
കേസിലെ ഒന്നാംപ്രതി താനാളൂര് അരീക്കാട് ചേറുമേലത്ത് സുധീര്, രണ്ടാംപ്രതി ചങ്കുവെട്ടി പുന്നക്കോടന് മുഹമ്മദ് ഷെറിന്, അഞ്ചാംപ്രതി ഇരഞ്ഞിക്കല് ഫൈസല്ബാബു, ആറാംപ്രതി കാക്കടവ് മുണ്ടോളി ആരിഫ്, ഏഴാംപ്രതി മുക്കം കാരശ്ശേരി തൊടികകട സുബൈര്, എട്ടാംപ്രതി വെസ്റ്റ്ഹില് പത്തുകണ്ടനിലം സാജന്, ഒമ്പതാം പ്രതി മുക്കം താഴേക്കോട് ചാലില്വീട്ടില് അബ്ദുള്ബഷീര് എന്നിവരെയാണ് വെറുതെ വിട്ടത്.
എന്നിവരെയാണ് വെറുതെ വിട്ടത്. രണ്ടാം പ്രതി മണിമല ചുകന്നപറമ്പില് ഇസ്മായില്, നാലാം പ്രതി നാലകത്ത് അബ്ദുള് ബഷീര്, പത്താം പ്രതി, കബീന് എന്നിവര് ഇപ്പോഴും ഒളിവിലാണ്.