കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ചെറിയതുറ: പൊലീസുകാര്‍ക്ക്‌ വധഭീഷണി

  • By Staff
Google Oneindia Malayalam News

തിരുവനന്തപുരം: ചെറിയതുറ വെടിവെയ്‌പിന്‌ കാരണക്കാരനെന്ന്‌ കണ്ടെത്തി ആഭ്യന്തരമന്ത്രാലയം സസ്‌പെന്റ്‌ ചെയ്‌ത പൊലീസ്‌ ഉദ്യോഗസ്ഥര്‍ക്ക്‌ വധഭീഷണി.

ഇവര്‍ക്ക്‌ നേരെ ആക്രമണമുണ്ടാകാന്‍ സാധ്യതയുള്ളതായി രഹസ്യാന്വേഷണ വിഭാഗം മുന്നറിയിപ്പ്‌ നല്‍കിയ സാഹചര്യത്തില്‍ ശനിയാഴ്‌ച രാവിലെ മുതല്‍ ഇവര്‍ക്ക്‌ സായുധ സുരക്ഷ ഏര്‍പ്പെടുത്തിയിട്ടുണ്ട്‌.

വെടിവെയ്‌പ്‌ നടന്ന സ്ഥലത്ത്‌ പട്രോളിങ്‌ ഡ്യൂട്ടിയിലുണ്ടായിരുന്ന പൊലീസുകാര്‍ക്കെന്നപോലെ ചെറിയതുറ, പൂന്തുറ പൊലീസ്‌ സ്റ്റേഷനുകള്‍ക്ക്‌ നേരെയും ആക്രമണത്തിന്‌ സാധ്യതയുണ്ടെന്നാണ്‌ ഇന്റലിജന്‍സ്‌ മുന്നറിയിപ്പ്‌.

ഇതിനിടെ ചെറിയതുറ പൊലീസ്‌ വെടിവെയ്‌പുമായി ബന്ധപ്പെട്ട്‌ ജുഡീഷ്യല്‍ അന്വേഷണ റിപ്പോര്‍ട്ട്‌ ലഭിച്ചശേഷം കൂടുതല്‍ നടപടികള്‍ സ്വീകരിക്കുമെന്ന്‌ ആഭ്യന്തരമന്ത്രി കോടിയേരി ബാലകൃഷ്‌ണന്‍ കണ്ണൂരില്‍ പറഞ്ഞു.

സംഭവത്തില്‍ സര്‍ക്കാര്‍ ക്രിയാത്മകമായ ഇടപെടലാണ്‌ നടത്തിയതെന്നും അതിന്റെ ഫലമായി അക്രമം വ്യാപിക്കുന്നത്‌ തടയാന്‍ സാധിച്ചുവെന്നും കോടിയേരി പറഞ്ഞു.

മുന്‍സര്‍ക്കാറുകള്‍ ഇത്തരം കേസുകളില്‍ സ്വീകരിക്കാത്ത വേഗതയും ശുഷ്‌കാന്തിയുമാണ്‌ ചെറിയതുറപ്രശ്‌നത്തില്‍ സര്‍ക്കാര്‍ സ്വീകരിച്ചത്‌. അന്വേഷണത്തിന്‌ ഹൈക്കോടതി സിറ്റിങ്‌ ജഡ്‌ജിയുടെ സേവനം ആവശ്യപ്പെട്ടിട്ടുണ്ട്‌- ആഭ്യന്തരമന്ത്രി അറിയിച്ചു

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X