ചെറിയതുറ: കോടിയേരിക്കെതിരെ ചെന്നിത്തല

തിരുവനന്തപുരം: ചെറിയതുറ സംഘര്‍ഷത്തിന്റെ ഉത്തരവാദിത്വത്തില്‍ നിന്നും ആഭ്യന്തരമന്ത്രി കോടിയേരി ബാലകൃഷ്‌ണന്‌ മാറി നില്‍ക്കാന്‍ കഴിയില്ലെന്ന്‌ കെപിസിസി അധ്യക്ഷന്‍ രമേശ്‌ ചെന്നിത്തല.

വെടിവെയ്‌പിന്റെ ഉത്തരവാദിത്വത്തില്‍ നിന്നും ഒഴിഞ്ഞുമാറാനാണ്‌ കോടിയേരി ശ്രമിക്കുന്നത്‌. രാഷ്ട്രീയവല്‍ക്കരിക്കപ്പെട്ട പൊലീസിന്റെ പ്രവര്‍ത്തനം കാര്യങ്ങള്‍ വഷളാക്കുകയായിരുന്നു. പ്രശ്‌നങ്ങളെ നിസാരവല്‍ക്കരിക്കാനുള്ള ശ്രമം ശരിയല്ല- ചെന്നിത്തല കുറ്റപ്പെടുത്തി.

നരനായാട്ടിന്‌ നേതൃത്വം നല്‍കിയ പൊലീസ്‌ ഉദ്യോഗസ്ഥര്‍ക്കെതിരെ കൊലക്കുറ്റത്തിന്‌ കേസെടുക്കണം. വെടിവെയ്‌പില്‍ കൊല്ലപ്പെട്ടവരുടെ കുടുംബാംഗങ്ങള്‍ക്കുള്ള നഷ്ടപരിഹാരം 15ലക്ഷമാക്കണം- ചെന്നിത്തല ആവശ്യപ്പെട്ടു.

നിലവില്‍ ഇവര്‍ക്ക്‌ പത്തുലക്ഷം രൂപയാണ്‌ സംസ്ഥാന സര്‍ക്കാര്‍ ധനസഹായം പ്രഖ്യാപിച്ചിരിക്കുന്നത്‌. വെടിവെയ്‌പില്‍ ആറു പേരാണ്‌ കൊല്ലപ്പെട്ടത്‌.