Click it and Unblock the Notifications
Just In
Don't Miss
-
നെഗറ്റീവ് ചിന്തകളില് നിന്ന് രക്ഷപ്പെടാം; മൂഡ് നശിപ്പിക്കുന്ന ചിന്തകളെ പോസിറ്റീവ് ആക്കാനുള്ള വഴിയിതാ -
വീണ്ടും വിളിച്ചാല് വരില്ലേ? അന്ന് ലാല് ചോദിച്ചു, വര്ഷങ്ങള്ക്ക് ശേഷം ശോഭനയെത്തുന്നു ലാലിനൊപ്പം -
485 കോടിയുടെ ഏറ്റെടുക്കൽ, ഓഹരി വിലയിൽ കുതിപ്പുമായി ഐടിസി, ഇപ്പോൾ വാങ്ങിയാൽ നേട്ടമാകുമോ...? -
ഫോർഡ് മസ്താംഗിൻ്റെ 60 വർഷം, കിടിലൻ ആനിവേഴ്സറി എഡീഷൻ ഇറക്കിയത് കണ്ടോ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച -
IPL 2024: അവസാന ഓവര് ആര്ക്ക്? ഹാര്ദിക്കിന്റെ പ്ലാന് മദ്വാളല്ല; നിര്ണ്ണായകമായത് രോഹിത് -
ഗ്ലാമറിന് ഗ്ലാമർ, കഴിവിന് കഴിവ്... ഇതാണ് സ്മാർട്ട്ഫോൺ! സോണി ക്യാമറകളുമായി ഒരു വിവോ 5ജി ഫോൺ
എല്‍ദോ കുരുവിളയ്‌ക്കെതിരെ രാജുവിന്റെ മൊഴി
കൊച്ചി: രാജകുമാരി ഭൂമി ഇടപാടില്‍ മുന്‍ മന്ത്രി ടി യുകുരുവിളയുടെ മക്കളായ എല്‍ദോ കുരുവിളയും രേഖാ തോമസും വ്യാജരേഖ ചമച്ചതായി ഇടുക്കി മുന്‍ ജില്ലാകളക്ടര്‍ രാജു നാരായണസ്വാമി നരേന്ദ്രന്‍ കമ്മീഷന്‌ മൊഴി നല്‍കി.
എല്‍ദോയും രേഖയും വില്‍ക്കാന്‍ ശ്രമിച്ചത്‌ റീസര്‍വ്വേ നമ്പര്‍ ഇല്ലാത്തതും പുറമ്പോക്കുഭൂമിയുമായിരുന്നുവെന്നും വ്യാജ തണ്ടപ്പേരുകളും രേഖകളുംസംഘടിപ്പിച്ചായിരുന്നു ഭൂമി വില്‍ക്കാന്‍ ശ്രമിച്ചതെന്നുമാണ്‌ സ്വാമി മൊഴി നല്‍കിയിരിക്കുന്നത്‌.
എല്‍ദോ കുരുവിള വില്‍ക്കാന്‍ ശ്രമിച്ചത്‌ റീസര്‍വേ നമ്പര്‍ ഇല്ലാത്ത ഭൂമിയും രേഖ വില്‍ക്കാന്‍ ശ്രമിച്ചത്‌ പുറമ്പോക്ക്‌ ഭൂമിയുമാണ്‌. ഇത്‌ മറിച്ചുവില്‍ക്കുന്നതിനാവശ്യമായ വ്യാജ തണ്ടപ്പേരുകളും ഒപ്പുകളും സഘടിപ്പിച്ചത്‌ എല്‍ദോ കുരുവിളയാണ്‌. ഇത്‌ തെളിയിക്കുന്ന വിശദാംശങ്ങളും നാരായണ സ്വാമി കമ്മീഷന്‌ കൈമാറിയിട്ടുണ്ട്‌.
ഭൂമി ഇടപാടില്‍ വ്യവസായി കെടി കുരുവിളയെ താന്‍ സഹായിക്കാന്‍ ശ്രമിച്ചുവെന്ന ആരോപണം നാരായണ സ്വാമി നിഷേധിച്ചു. കെടി എബ്രഹാമിനെ സഹായിക്കാനുള്ള നീക്കവും താന്‍ നടത്തിയിട്ടില്ലെന്ന്‌ അദ്ദേഹം വ്യക്തമാക്കി.
വില്‍ക്കാന്‍ കഴിയാത്ത ഭൂമി വില്‍ക്കരുതെന്ന്‌ തന്നെയായിരുന്നു തന്റെ നിലപാടെന്നും അതിനാവശ്യമായ നിര്‍ദേശമാണ്‌ കീഴുദ്യോഗസ്ഥര്‍ക്ക്‌ നല്‍കിയതെന്നും അദ്ദേഹം കമ്മീഷനെ അറിയിച്ചു.
കേസില്‍ നാരായണ സ്വാമിയുടെ വിസ്‌താരം ഇതോടെ പൂര്‍ത്തിയായി. ഭൂമി ഇടപാടില്‍ ടിയു കുരുവിള വഴിവിട്ട്‌ തന്റെ സഹായം ആവശ്യപ്പെട്ടതായി സ്വാമി കമ്മീഷന്റെ കഴിഞ്ഞ സിറ്റിങില്‍ മൊഴി നല്‍കിയിരുന്നു.
