ടൈസന്റെ മകള് മരണത്തിന് കീഴടങ്ങി
ന്യൂയോര്ക്ക്: ഗുരുതരമായി പരിക്കേറ്റ് ആശുപത്രിയില് പ്രവേശിപ്പിക്കപ്പെട്ട മുന് ലോക ബോക്സിങ് ചാമ്പ്യന് മൈക്ക് ടൈസന്റെ നാല് വയസ്സുള്ള മകള് എക്സോഡസ് ടൈസന് മരണത്തിന് കീഴടങ്ങി.
വീട്ടിലെ ട്രെഡ്മില്ലില് കളിയ്ക്കുന്നതിനിടെ ഇലട്രിക് വയര് കഴുത്തില് കുടുങ്ങി ഗുരുതരമായി പരിക്കേറ്റ നിലയില് കുട്ടിയെ ആശുപത്രിയില് പ്രവേശിപ്പിച്ചിരിക്കുകയായിരുന്നു. എക്സോഡസിന്റെ നില അതീവ ഗുരുതരമാണെന്ന് ഡോക്ടര്മാര് നേരത്തെ വ്യക്തമാക്കിയിരുന്നു. ജീവന്രക്ഷാ ഉപകരണങ്ങളുടെ സഹായത്തോടെയാണ് കുട്ടിയുടെ ജീവന് നിലനിര്ത്തിയിരുന്നത്.
തിങ്കളാഴ്ച രാവിലെ ടൈസന്റെ ഫീനിക്സിലെ വീട്ടില് വെച്ചാണ് അപകടമുണ്ടായത്. ഏഴു വയസ്സുകാരനായ സഹോദരനാണ് അപകടം കണ്ട് അമ്മയെ വിവരമറിയിച്ചത്. അപകട സമയത്ത് ലാസ് വേഗാസിലായിരുന്ന ടൈസന് ഉടന് തന്നെ ഫീനിക്സിലെ സെന്റ് ജോസഫ് ആശുപത്രിയില് എത്തിയിരുന്നു.