വീരന്റെ നടപടി റദ്ദു ചെയ്തു: തെറ്റയില്
കൊച്ചി: ജനതാദള് സംസ്ഥാന നിര്വാഹക സമിതി യോഗത്തില് പാര്ട്ടിയുടെ നാലു സംസ്ഥാന ഭാരവാഹികളെയും നാലു ജില്ലാ ഭാരവാഹികളെയും പുറത്താക്കിയ സംസ്ഥാന അധ്യക്ഷന് വീരേന്ദ്രകുമാറിന്റെ നടപടി ദേശീയ അധ്യക്ഷന് എച്ച്ഡി.ദേവഗൗഡ ഇടപെട്ട് റദ്ദാക്കിയെന്ന് വിമത എംഎല്എ ജോസ് തെറ്റയില്.
ഇതുസംബന്ധിച്ച് പാര്ട്ടി ദേശീയ സെക്രട്ടറി ഡാനിഷ് അലി പുറത്തിറക്കിയ പ്രസ്താവനയുടെ പകര്പ്പ് തനിക്ക് ലഭിച്ചുവെന്ന് അദ്ദേഹം വ്യക്തമാക്കി. തിരഞ്ഞെടുപ്പില് സംസ്ഥാന നേതൃത്വത്തിന്റെ നിലപാടുകള്ക്ക് വിരുദ്ധമായി പ്രവര്ത്തിച്ച നേതാക്കള്ക്കെതിരെയാണ് നടപടി സ്വീകരിച്ചിരിയ്ക്കുന്നത്.
തിരഞ്ഞെടുപ്പില് ബിജെപി, കോണ്ഗ്രസ് വിരുദ്ധ പ്രവര്ത്തനം നടത്തിയവര് പാര്ട്ടി ചട്ടങ്ങള്ക്ക് വിരുദ്ധമായി പ്രവര്ത്തിച്ചിട്ടില്ലെന്ന് പ്രസ്താവനയില് പറയുന്നു. ജനതാദള് യുഡിഎഫിലേയ്ക്ക് പോകുന്നതടക്കമുളള നടപടികള് അച്ചടക്ക ലംഘനമാകുമെന്ന് ദേവഗൗഡ വ്യക്തമാക്കിയതായും തെറ്റയില് പറഞ്ഞു.