ഗള്ഫ് മേഖലയ്ക്ക് പ്രധാന്യം നല്കുമെന്ന് തരൂര്
ദില്ലി: മലയാളികള് കൂടുതലുള്ള ഗള്ഫ് മേഖലയുമായുള്ള ബന്ധങ്ങള്ക്ക് കൂടുതല് പ്രാമുഖ്യം നല്കുമെന്ന് വിദേശകാര്യ സഹമന്ത്രി ശശി തരൂര് പറഞ്ഞു. സ്ഥാനമേറ്റ ശേഷം വെള്ളിയാഴ്ച ദില്ലിയില് മാധ്യമപ്രവര്ത്തകരോട് സംസാരിക്കുകയായിരുന്നു അദ്ദേഹം.
മറ്റു പ്രധാനവിഷയങ്ങളെക്കുറിച്ചൊക്കെ പഠിച്ചശേഷം സംസാരിക്കാം. ഏതോക്കെ മേഖലകളാണ് ശ്രദ്ധിക്കേണ്ടതെന്ന് വിദേശകാര്യമന്ത്രി എസ്എം കൃഷ്ണയോട് ആരായണം- അദ്ദേഹം പറഞ്ഞു.
പാക്കിസ്താനുമായി ഇന്ത്യ നല്ലബന്ധമാണ് ആഗ്രഹിക്കുന്നതെന്ന് വിദേശകാര്യസഹമന്ത്രിയായി സ്ഥാനമേറ്റ പ്രണിത കൗര് പറഞ്ഞു. തീവ്രവാദത്തിനെതിരെ വിട്ടുവീഴ്ച്ചയില്ലാത്ത നിലപാട് സ്വീകരിക്കുമെന്നും അദ്ദേഹം പറഞ്ഞു.
കേരളത്തില് നിന്നുള്ള മറ്റ് രണ്ട് മന്ത്രമാരും വെള്ളിയാഴ്ച ചുമതലയേല്ക്കും. വയലാര് രവി ഉച്ചയ്ക്ക് പന്ത്രണ്ടരയ്ക്കും റെയില്വേ സഹമന്ത്രി ഇ അഹമ്മദ് 2.30നും ചുമതലയേല്ക്കും. കെവി തോമസും മുല്ലപ്പള്ളിരാമചന്ദ്രനും തിങ്കളാഴ്ചയാണ് ചുമതലയേല്ക്കുക.
ഞായറാഴ്ച ദില്ലിയിലെത്തുന്ന പവാറുമായി കൂടിക്കാഴ്ച നടത്തിയശേഷമായിരിക്കും കെ.വി തോമസ് ചുമതലയേല്ക്കുകയ മുല്ലപ്പള്ളി രാമചന്ദ്രന് വെള്ളിയാഴ്ച ആഭ്യന്തരമന്ത്രി പി ചിദംബരവുമായി കൂടിക്കാഴ്ച നടത്തുന്നുണ്ട്.