ഇന്ത്യയെ ലക്ഷ്യമിട്ട് പാകിന്റെ അണ്വായുധങ്ങള്
വാഷിങ്ടണ്: പ്രധാനമായും ഇന്ത്യയെ ലക്ഷ്യം വച്ചുകൊണ്ട് അറുപത് അണ്വായുധങ്ങള് പാകിസ്താന്റെ പക്കലുണ്ടെന്ന് യുഎസ് റിപ്പോര്ട്ട്.
യുഎസ് കോണ്ഗ്രസ് അംഗങ്ങള്ക്കാവശ്യമായ വിവരം ശേഖരിക്കുന്ന കോണ്ഗ്രഷണല് റിസര്ച്ച് സര്വ്വീസ്(സിആര്എസ്്) തയാറാക്കിയ റിപ്പോര്ട്ടിലാണ് ഇക്കാര്യമുള്ളത്.
ഇതിന് പുറമേ ആണവശേഖരം വര്ധിപ്പിക്കാനാവശ്യമായ സൗകര്യങ്ങളും ഉല്പാദന സംവിധാനങ്ങളും കൂടുതലായി പാകിസ്താന് ഏര്പ്പെടുത്തുന്നുണ്ടെന്നും എല്ലാവര്ഷവും നൂറുകിലോ വീതം സമ്പുഷ്ട യുറേനിയും പാകിസ്താന് നിര്മ്മിക്കുന്നുണ്ടെന്നും റിപ്പോര്ട്ടില് പറയുന്നു.
അണ്വായുധ ശേഖരം വര്ധിപ്പിക്കാനായി പാകിസ്താന് ശ്രമിക്കുന്നതിന് തെളിവുണ്ടെന്ന് സംയുക്ത സേനാ മേധാവി അഡ്മിറല് മൈക് മുള്ളനും സിആര്എസിനെ അറിയിച്ചിരുന്നു. ആണവ പോര്മുനകളുടെ ഘടകങ്ങള് യോജിപ്പിക്കാതെ പലയിടത്തായാണ് സൂക്ഷിച്ചിരിക്കുന്നതെന്ന് നേരത്തെ ന്യൂയോര്ക്ക് ടൈംസ് റിപ്പോര്ട്ട് ചെയ്തിരുന്നു.
ഇന്ത്യയില് നിന്നും സൈനികാക്രമണം ഉണ്ടാകാതിരിക്കാനും ഉണ്ടായാല് ശക്തമായി നേരിടാനും വേണ്ടിയാണത്രേ പാകിസ്താന് പ്രധാനമായും അണ്വായുധം ശേഖരിക്കുന്നത്. ഇവര്ക്കാകട്ടെ പ്രഖ്യാപിത ആണവ നയങ്ങളില്ല.
ചൈനയില് നിന്നും യൂറോപ്പില് നിന്നുമാണ് പാകിസ്താന് ആണവസാങ്കേതിക വിദ്യ കൈവശപ്പെടുത്തിയത്. ഇന്ത്യയെ ആക്രമണത്തില് നിന്നും പിന്തിരിപ്പികയെന്ന ലക്ഷ്യത്തോടെയാണ് ആണവായുധ ശേഖരം നടത്തുന്നതെന്നാണ് പാകിസ്താന് പറയുന്നതെങ്കിലും സ്ഥിതിഗിതികള് മറിച്ചാണെന്നാണ് റിപ്പോര്ട്ടിലെ സൂചന.