കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

ആന്റണിക്കെതിരെ ഹര്‍ജി പിന്നീട്‌ പരിഗണിക്കും

  • By Staff
Google Oneindia Malayalam News

തിരുവനന്തപുരം: ഇസ്രയേല്‍ ആയുധ ഇടപാടില്‍ പ്രതിരോധ മന്ത്രി എകെ ആന്‍റണിക്കെതിരേ കേസെടുക്കണമെന്നാവശ്യപ്പെട്ട്‌ നല്‍കിയ ഹര്‍ജി തിരുവനന്തപുരം ചീഫ്‌ ജുഡിഷ്യല്‍ മജിസ്‌ട്രേറ്റ്‌ ഫിലിപ്പ്‌ തോമസ്‌ വിശദമായി വാദം കേള്‍ക്കുന്നതിനു മാറ്റി. ജൂണ്‍ 20നാണ്‌ കേസ്‌ പരിഗണിക്കുക. മലയിന്‍കീഴ്‌ സ്വദേശിയാണ്‌ ഷിബുവാണ്‌ ഹര്‍ജിക്കാരന്‍.

ഒരു ഇന്ത്യന്‍ പൗരന്‍ വിദേശത്ത്‌ കുറ്റകൃത്യം ചെയ്‌താല്‍ ആ വ്യക്തിയെ ഇന്ത്യയില്‍ ഏതു ഭാഗത്തു വച്ചു കാണാന്‍ സാധ്യതയുണ്ടോ ആ സ്ഥലത്തിന്റെ ആധികാരപരിധിയില്‍ വരുന്ന കോടതിയില്‍ ഹര്‍ജി ഫയല്‍ ചെയ്യാമെന്നാണ്‌ നിയമം അനുശാസിക്കുന്നതെന്ന്‌ വാദി ഭാഗം ചൂണ്ടിക്കാട്ടി.

മുന്‍ മുഖ്യമന്ത്രിയായ ആന്റണിയെ സെക്രട്ടേറിയറ്റ്‌ പരിസരത്ത്‌ വച്ചു കണ്ടിട്ടുണ്ടെന്നും സെക്രട്ടേറിയറ്റ്‌ സ്ഥിതിചെയ്യുന്നതു കന്റോണ്‍മെന്റ്‌ പോലീസ്‌ സ്റ്റേഷന്റെ പരിധിയിലാണെന്നും വാദി ഭാഗം പറഞ്ഞു.

വിദേശരാജ്യവുമായി ബന്ധപ്പെട്ട കേസായതിനാല്‍ വാദം കേള്‍ക്കാന്‍ കോടതിക്ക്‌ അധികാരമുണ്ടോയെന്നു മജിസ്‌ട്രേറ്റ്‌ സംശയം പ്രകടിപ്പിച്ചപ്പോഴാണ്‌ വാദി ഭാഗം ഇക്കാര്യം ചൂണ്ടിക്കാണിച്ചത്‌.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X