• search
  • Live TV
കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts

സെന്‍സെക്‌സ്‌ ഒമ്പത്‌ മാസത്തെ ഉയര്‍ന്ന നിരക്കില്‍

  • By Staff

മുംബൈ: രാജ്യത്തെ ഓഹരി വിപണികളില്‍ കുതിപ്പ്‌ തുടരുന്നു. തിങ്കളാഴ്‌ച രാവിലെയുളള വ്യാപാരത്തില്‍ 281 പോയിന്റ്‌ ഉയര്‍ന്ന ബിഎസ്‌ഇ സെന്‍സെക്‌സ്‌ ഒന്‍പതു മാസത്തെ ഏറ്റവും ഉയര്‍ന്ന നിരക്കായ 14,906 പോയിന്റിലെത്തി. 1.65 ശതമാനം നേട്ടമാണ്‌ സൂചികയില്‍ ഉണ്‌ടായിരിക്കുന്നത്‌. ഇതിന്‌ മുമ്പ്‌ 2008 സെപ്‌തംബറിലാണ്‌ സെന്‍സെക്‌സ്‌ ഇതേ നിലവാരത്തിലായിരുന്നത്‌.

സമാന മുന്നേറ്റം ദൃശ്യമായ ദേശീയ ഓഹരി സൂചികയായ നിഫ്‌റ്റി 90 പോയിന്റോളം ഉയര്‍ന്ന്‌ 4539 എന്ന നിലയിലാണ്‌ വ്യാപാരം പുരോഗമിയ്‌ക്കുന്നത്‌. കഴിഞ്ഞ സെപ്‌റ്റംബറിന്‌ ശേഷം ഇതാദ്യമായാണ്‌ നിഫ്‌റ്റി ഇത്രയധികം ഉയര്‍ച്ചയിലെത്തിയിരിക്കുന്നത്‌.

സാമ്പത്തിക മാന്ദ്യത്തിനിടയിലും രാജ്യത്തെ ജിഡിപി നിരക്ക്‌ ശുഭ സൂചനകള്‍ പ്രകടിപ്പിച്ചതും നല്‍കിയതും ആഭ്യന്ത വിപണിയിലേക്ക്‌ പണമൊഴുകിയതുമാണ്‌ വിപണിയിലെ മുന്നേറ്റത്തിന്‌ കാരണം. കഴിഞ്ഞ മാസം മാത്രം ഏകദേശം 20000 കോടിയോളം രൂപയാണ് വിപണയില്‍ ഒഴുകിയെത്തിയത്.

ബിഎസ്‌ഇയില്‍ റിലയന്‍സ്‌ ഇന്‍ഡസ്‌ട്രീസ്‌, റിലയന്‍സ്‌ ഇന്‍ഫ്ര, ആര്‍കോം, ഇന്‍ഫോസിസ്‌, ഡിഎല്‍എഫ്‌ തുടങ്ങിയ കമ്പനികള്‍ നേട്ടമുണ്ടാക്കി. എസിഐസിഐ ബാങ്ക്‌, സ്റ്റേറ്റ്‌ ബാങ്ക്‌ ഓഫ്‌ ഇന്ത്യ, എച്ച്‌ഡിഎഫ്‌സി, ടാറ്റ സ്റ്റീല്‍ തുടങ്ങിയ കമ്പനികളുടെ ഓഹികള്‍ക്കും വില വര്‍ധിച്ചു.

കൂടുതല്‍ വിദേശ നിക്ഷേപം രാജ്യത്തെത്തുമെന്ന പ്രതീക്ഷ നിലനില്‌ക്കുന്നതിനാല്‍ മുന്നേറ്റം ഈ അഴ്‌ച മുഴുവന്‍ തുടര്‍ന്നേക്കുമെന്നാണ്‌ വിപണി നിരീക്ഷകരുടെ വിലയിരുത്തല്‍.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more