Click it and Unblock the Notifications
Just In
Don't Miss
-
റിയൽമി ഇത് എന്ത് ഭാവിച്ചാണാവോ! 10000 രൂപയിൽ താഴെ വിലയിലെ വേഗമേറിയ 5ജി ഫോൺ വരുന്നു -
കോംപാക്ട് എസ്യുവികൾക്കിടയിലെ രാജാവാകാൻ കിയ ക്ലാവിസ്, വരാൻ പോകുന്നത് കിടിലൻ ഫീച്ചറുകളുമായി -
IPL 2024: മുംബൈ 11 അല്ല 12, നിതിന് മേനോന് അംബാനിയുടെ അടിമ! അംപയറെ ട്രോളി ഫാന്സ് -
'യെവള് ആരെടെ?', ഇതൊക്കെ നല്ല ഊളത്തരമാണ്; വൃത്തിയില് ജിന്റോയും ജാസ്മിനെ പോലെ തോല്വി -
സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി -
തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ്‌ ഈ റൂട്ടുകളും ഇതുവഴിയുള്ള ഡ്രൈവും!
ഡെസ്‌മണ്ടിന്‌ പ്രായം 29 മക്കള്‍ 21
ടെന്നസി: മുപ്പത്‌ വയസ്സെത്താത്ത ഒരു യുവാവ്‌ 21 കുട്ടികളുടെ പിതാവാകുക. ഒന്നു സങ്കല്‍പ്പിച്ചു നോക്കൂ. അതേ ടെന്നസിയിലെ നോക്‌സ്‌ വൈല്‍ സ്വദേശിയായ ഡെസ്‌മണ്ട്‌ ഹാച്ചെറ്റ്‌ എന്ന ഇരുപത്തിയൊമ്പതുകാരനാണ്‌ 21 കുട്ടികളുടെ പിതാവെന്ന അപൂര്‍വ്വ റെക്കോര്‍ഡിന്റെ ഉടമ.
ഈ 29 വയസ്സിനിടെ എങ്ങനെ 21 കുട്ടികളുണ്ടായെന്ന്‌ ചോദിച്ചാല്‍ അതിനുത്തരം ഡെസ്‌മണ്ടിന്‌ 11 പങ്കാളികള്‍ ഉണ്ട്‌ എന്നതാണ്‌. പതിനൊന്നു പങ്കാളികളിലുംകൂടിയാണ്‌ 21 കുട്ടികള്‍ പിറന്നിരിക്കുന്നത്‌. ഇങ്ങനെ 29 വയസ്സിനുള്ളില്‍ ലോകറെക്കോര്‍ഡാണ്‌ സ്വന്തമാക്കിയിരിക്കുന്നതെങ്കിലും ഇഷ്ടന്‌ കോടതി കയറേണ്ടിവന്നുവെന്നത്‌ വേറെക്കാര്യം.
കുട്ടികള്‍ക്ക്‌ ചെലവിന്‌ കൊടുക്കാന്‍ കഴിയാതെ വന്നപ്പോഴാണ്‌ ഇങ്ങനെ ഒരു 29കാരന്‍ 21 കുട്ടികള്‍ക്ക്‌ ജന്മം നല്‍കിയ കാര്യം പുറം ലോകമറിയുന്നത്‌. കുട്ടികള്‍ക്ക്‌ ചെലവിന്‌ കൊടുക്കാന്‍ കയ്യില്‍ പണമില്ലെന്നകാരണത്തെത്തുടര്‍ന്ന്‌ ഡെസ്‌മണ്ടിനെ കോടതിയില്‍ ഹാജരാക്കിയിരുന്നു.
എന്തിനാണ്‌ ധനസ്ഥിതിയില്ലാതെ ഇത്രയേറെ കുട്ടികള്‍ക്ക്‌ ജന്മം നല്‍കിയതെന്ന കോടതിയുടെ ചോദ്യത്തിന്‌ അങ്ങനെയൊക്കെ സംഭവിച്ചുപോയിയെന്നാണത്രേ ഡെസ്‌മണ്ട്‌ ഉത്തരം നല്‍കിയത്‌. തീരെ കുറവു വരുമാനം മാത്രമുള്ള ഡെസ്‌മണ്ടിന്‌ ഒരോ കുട്ടികള്‍ക്കും ഒരു മാസം കൊടുക്കാന്‍ കഴിയുന്ന പരമാവധി തുക വെറും രണ്ട്‌ ഡോളര്‍ ആണ്‌(അതായത്‌ നൂറുരൂപയോളം) അതുകൊണ്ട്‌ ഒന്നും ചെയ്യാന്‍ പറ്റില്ലെന്ന്‌ കുട്ടികളുടെ അമ്മമാര്‍ പരാതി പറയുന്നു.
ഇത്രയും കുട്ടികളെ പോറ്റാന്‍ ഡെസ്‌മണ്ടിന്‌ ഒരിക്കലും കഴിയില്ലെന്ന്‌ അദ്ദേഹത്തിന്റെ അഭിഭാഷകന്‍ കോടതിയെ അറിയിച്ചിട്ടുണ്ട്‌. കുട്ടികളെ പോറ്റാന്‍ സര്‍ക്കാര്‍ സഹായിക്കണമെന്നാണ്‌ ഡെസ്‌മണ്ട്‌ ആവശ്യപ്പെടുന്നത്‌. എന്നാല്‍ ഡെസ്‌മണ്ടിന്റെ അയല്‍വാസികള്‍ ഉള്‍പ്പെടെയുള്ള നോക്‌സവൈല്‍ നിവാസികള്‍ ഇടഞ്ഞു നില്‍ക്കുകയാണ്‌.
തങ്ങളുടെ നികുതിപ്പണത്തില്‍ നിന്നും ഡെസ്‌മണ്ടിന്റെ കുട്ടികളെ പോറ്റാനുള്ള തുക എടുക്കാന്‍ സമ്മതിക്കില്ലെന്നാണ്‌ അവര്‍ പറയുന്നത്‌. ഇനിയും കുട്ടികള്‍ ഉണ്ടാവാതിരിക്കാനായി ഡെസ്‌മണ്ട്‌സ്‌ വാസക്ടമിചെയ്യണമെന്നും അവര്‍ പറയുന്നു.
കാര്യമിങ്ങനെയൊക്കെയാണെങ്കിലും ഡെസ്‌മണ്ടിന്‌ തന്റെ 21 മക്കളോടും വലിയ ഇഷ്ടമാണ്‌. എല്ലാം ഒരു സ്വപ്‌നം പോലെയാണ്‌ ഇപ്പോള്‍ തോന്നുന്നതെന്നും ഇതൊന്നും ഇത്രവലിയ ഒരു പ്രശ്‌നമാവുമെന്ന്‌ താന്‍ കരുതിയിരുന്നില്ലെന്നുമാണ്‌ ഈ യുവാവ്‌ പറയുന്നത്‌. ഇനി തനിക്ക്‌ കുട്ടികള്‍ വേണ്ടെന്നും കോടതി കയറിയിറങ്ങി മടുത്തുവെന്നും ഒരുസ്വകാര്യ ചാനലിന്‌ നല്‍കിയ അഭിമുഖത്തില്‍ ഡെസ്‌മണ്ട്‌ പറഞ്ഞു.
