കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

കിന്‍ഫ്ര സൗരോര്‍ജ്ജ പാര്‍ക്ക് സ്ഥാപിക്കുന്നു

  • By Staff
Google Oneindia Malayalam News

പാലക്കാട്:‌ കഞ്ചിക്കോട്ട്-വാളയാര്‍ വ്യവസായ മേഖലയക്കടുത്തുള്ള പ്രദേശത്ത്‌ വന്‍മുതല്‍ മുടക്കില്‍ കിന്‍ഫ്ര സൗരോര്‍ജ വ്യവസായ പാര്‍ക്ക്‌ സ്ഥാപിക്കുന്നു. കഞ്ചിക്കോട്ട്‌ കിന്‍ഫ്രയുടെ കൈവശമുള്ള ആറേക്കര്‍ സ്ഥലത്താണ്‌ ഇത്‌ നിലവില്‍ വരിക.

കേന്ദ്രപാരമ്പര്യേതര ഊര്‍ജവകുപ്പിന്റെ ധനസഹായത്തോടെയാണ്‌ ഇത്‌ സ്ഥാപിക്കുന്നത്‌. പാറനിറഞ്ഞ സ്ഥലം മറ്റൊന്നിനും ഉപയോഗിക്കാന്‍ കഴിയാത്തതിനാലാണ്‌ സൗരോര്‍ജപാര്‍ക്കിനായി വിനിയോഗിക്കുന്നതെന്ന്‌ കിന്‍ഫ്രവൃത്തങ്ങള്‍ പറഞ്ഞു.

തുടക്കത്തില്‍ മാതൃകാ സൗരോര്‍ജ പ്ലാന്റാണ്‌ ഇവിടെ ഉയരുക. ഒരു മെഗാവാട്ടായിരിക്കും മാതൃകാ പ്ലാന്റിന്റെ ശേഷി. സ്ഥലവില കൂടാതെ 22 കോടി രൂപയായിരിക്കും ഇതിന്റെ നിക്ഷേപം. അഞ്ച്‌ ഏക്കര്‍ പ്രദേശത്തു നിന്നും ഒരു മെഗാവാട്ട്‌ വൈദ്യുതി ഉത്‌പാദിപ്പിയ്‌ക്കാന്‍ കഴിയുമെന്നാണ്‌ പ്രതീക്ഷിയ്‌ക്കപ്പെടുന്നത്‌.

22 കോടി രൂപ മുതല്‍മുടക്കില്‍ പത്തുകോടി രൂപ കേന്ദ്ര സര്‍ക്കാര്‍ നല്‍കും. ഇവിടെ ഉത്‌പാദിപ്പിക്കുന്ന വൈദ്യുതി സംസ്ഥാന ഗ്രിഡിലേക്കാണ്‌‌ നല്‌കുക. യൂണിറ്റിന്‌ തുടക്കത്തില്‍ 18.93 രൂപ വിലവരുമെങ്കിലും കേന്ദ്രസര്‍ക്കാര്‍ പത്തുകോടി രൂപ നല്‍കുന്നതിനാല്‍ പാതിവിലയ്‌ക്ക്‌ വൈദ്യുതി വില്‍ക്കാന്‍ കഴിയും. കാര്‍ബണ്‍ ക്രെഡിറ്റ്‌ വഴിയും അധികവരുമാനം നേടാന്‍ കഴിയും.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X