സയീദിന്റെ കൂട്ടാളി ദില്ലിയില് അറസ്റ്റിലായി
ദില്ലി: കഴിഞ്ഞ ദിവംസ ദില്ലിയില് അറസ്റ്റിലായ ലക്ഷ്ക്കര് കമാന്ഡര് മുഹമ്മദ് ഒമര് മദനി മുംബൈ ഭീകരാക്രമണത്തിലെ മുഖ്യ ആസൂത്രകന് ഹാഫിസ് സയീദിന്റെ അനുയായി ആണെന്ന് പോലീസ്.
ഇന്ത്യയില് ഭീകരാക്രമണം ഉണ്ടായേക്കുമെന്ന റിപ്പോര്ട്ടുകള് നിലനില്ക്കെയാണ് ലക്ഷ്ക്കര് നേതാവ് പിടിയിലായിരിക്കുന്നത്.
ഇന്ത്യയിലെയും നേപ്പാളിലെയും ലഷ്കര് ഇ തോയ്ബയുടെ പ്രവര്ത്തനങ്ങള്ക്ക് യുവാക്കളെ റിക്രൂട്ട് ചെയ്തിരുന്ന ഒമറാണ്. ലഷ്കര് ഇ തോയ്ബയുടെ ഇന്ത്യയിലെ സാമ്പത്തിക ഇടപാടിന്റെ ചുമതലക്കാരനാണ് ഇയാള്. പാക്കിസ്ഥാന് സ്വദേശിയായ ഇയാള് കഴിഞ്ഞ ഒരു വര്ഷമായി നേപ്പാളിലായിരുന്നുവെന്നും പോലീസ് പറയുന്നു.
രഹസ്യാന്വേഷണ റിപ്പോര്ട്ടുകളുടെ അടിസ്ഥാനത്തില്, വ്യാഴാഴ്ച തെക്കന് ദില്ലിയില് കുത്തബ്മിനാറിന്റെ പരസരത്തു നിന്നാണ് മദനിയെ അറസ്റ്റ് ചെയ്തത്. ഇയാളില് നിന്ന് 7000 അമേരിക്കന് ഡോളറും 8000 രൂപയുടെ വ്യജ നേപ്പാള് കറന്സിയും ടെലിഫോണ് ഡയറിയും പോലീസ് കണ്ടെടുത്തിരുന്നു.
മുംബൈ ഭീകരാക്രമണത്തെ തുടര്ന്ന് പാക്കിസ്ഥാനില് വീട്ടുതടങ്കലിലായിരുന്ന ജമാഅത്ത് ഉദ് ദവ നേതാവ് ഹാഫിസ് സയീദിനെ കഴിഞ്ഞ ദിവസമാണ് ലാഹോര് കോടതി മോചിപ്പിച്ചത്.