Click it and Unblock the Notifications
Just In
Don't Miss
-
രണ്ടാമത്തെ കുട്ടിയ്ക്ക് വേണ്ടി ചികിത്സ ചെയ്തോ എന്ന് ചോദിച്ചു, കുഞ്ഞിനെ എടുത്ത് നടക്കാനാകില്ല: അജയകുമാര് -
485 കോടിയുടെ ഏറ്റെടുക്കൽ, ഓഹരി വിലയിൽ കുതിപ്പുമായി ഐടിസി, ഇപ്പോൾ വാങ്ങിയാൽ നേട്ടമാകുമോ...? -
വൃത്തിയുള്ള തലയോട്ടി, മുടി വളര്ച്ച ഉറപ്പ്; ഈ നാച്ചുറല് സ്ക്രബ് നല്കും ഗുണം -
ഫോർഡ് മസ്താംഗിൻ്റെ 60 വർഷം, കിടിലൻ ആനിവേഴ്സറി എഡീഷൻ ഇറക്കിയത് കണ്ടോ -
പച്ചപ്പിനു നടുവിലെ വയലറ്റ് പൂക്കൾ... ജക്കരന്ത പൂത്തുലഞ്ഞ മൂന്നാർ, കാണാം നീലവസന്തക്കാഴ്ച -
IPL 2024: അവസാന ഓവര് ആര്ക്ക്? ഹാര്ദിക്കിന്റെ പ്ലാന് മദ്വാളല്ല; നിര്ണ്ണായകമായത് രോഹിത് -
ഗ്ലാമറിന് ഗ്ലാമർ, കഴിവിന് കഴിവ്... ഇതാണ് സ്മാർട്ട്ഫോൺ! സോണി ക്യാമറകളുമായി ഒരു വിവോ 5ജി ഫോൺ
ഒബാമയുടെ തേന്‍വാക്കുകളില്‍ വീഴരുത്‌: ഒസാമ
ദുബയ്‌: ഒബാമ തേന്‍പുരട്ടിയ വാക്കുകളില്‍ കുടുങ്ങരുതെന്ന്‌ അല്‍ഖയ്‌ദ നേതാവ്‌ ഒസാമ ബിന്‍ ലാദന്‍ മുസ്ലീം ലോകത്തോട്‌ ആഹ്വാനം ചെയ്‌തു.
ബിന്‍ ലാദന്റെ പേരില്‍ പുറത്തുവന്ന ഓഡിയോ ടേപ്പിലാണ്‌ ഒസാമ ഒബാമയ്‌ക്കെതിരെ തിരിഞ്ഞത്‌. അല്‍ജസീറ ചാനലാണ്‌ ടേപ്പ്‌ പുറത്തുവിട്ടത്‌. മുസ്ലീംങ്ങള്‍ക്കെതിരെ വിദ്വേഷം വളര്‍ത്താനാണ്‌ മുന്‍ഗാമിയുടെ പാത പിന്തുടരുന്ന ഒബാമയുടെ ശ്രമം. അവിശ്വാസികള്‍ക്കും അവരുടെ പിണിയാളുകള്‍ക്കുമെതിരെ നീണ്ട യുദ്ധം തുടരണം- ടേപ്പില്‍ പറയുന്നു.
ഒബാമയുടെ നയങ്ങള്‍ക്കെതിരെ ഇതാദ്യമായാണ്‌ ഒസാമ പ്രതികരിക്കുന്നത്‌. മുസ്ലീം ജനതയുമായി പുതിയ ബന്ധം സ്ഥാപിക്കാനാണ്‌ അമേരിക്ക ആഗ്രഹിക്കുന്നതെന്ന്‌ ഒബാമ പ്രഖ്യാപിച്ച അതേ ദിവസം തന്നെയാണ്‌ ഒസാമയുടെ ടേപ്പ്‌ പുറത്തുവന്നിരിക്കുന്നത്‌.
പ്രസ്‌താവനയുടെ ആദ്യഭാഗം ബുധനാഴ്‌ച അല്‍ജസീറ ടെലിവിഷന്‍ സംപ്രേഷണം ചെയ്‌തിരുന്നു. ഒബാമയുടെ ഈജിപ്‌ത്‌ സന്ദര്‍ശനത്തിനെതിരെ ലാദനും അടുത്ത അനുയായിയായ അയ്‌മന്‍ അല്‍ സവാഹിരിയും നടത്തിയ പരാമര്‍ശമായിരുന്നു ഇതിലെ ഉള്ളടക്കം.
ക്രിസ്‌ത്യാനികളും ജൂതരുമായി സഹകരിക്കുന്ന മുസ്ലീങ്ങളെ മതവിരോധകളായി കണക്കാക്കുമെന്ന്‌ പുതിയ പ്രസ്‌താവനയില്‍ പറയുന്നു. അവിശ്വാസികളോടു സഖ്യം പുലര്‍ത്തുകയും അവരെ പിന്തുണയ്‌ക്കുകയും ചെയ്യുന്ന മുസ്ലീംങ്ങള്‍ക്കെതിരെയും താക്കീതുണ്ട്‌.
അമേരിക്കയുടെ ഇഷ്ടത്തിനനുസരിച്ച്‌ പോരാടുന്ന പാക്കിസ്‌താന്‍ സൈന്യത്തിനുള്ള മുന്നറിയിപ്പ്‌ കൂടിയാണിത്‌. യുഎസിന്റെ ചങ്ങാതിയെന്നാണ്‌ പാക്‌ പ്രസിഡന്റ്‌ ആസിഫ്‌ അലി സര്‍ദാരിയെ പ്രസ്‌താവനയില്‍ വിശേഷിപ്പിച്ചിരിക്കുന്നത്‌. സ്വാത്‌ താഴ്‌ വരയില്‍ താലിബാന്‍ നടത്തുന്ന ആക്രമണം മനുഷ്യത്വ വിരുദ്ധമാണെന്ന്‌ ടേപ്പ്‌ കുറ്റപ്പെടുത്തുന്നു.
