ഇന്ഫോസിസ് ബ്രസീലിലേയ്ക്ക്
ബാംഗ്ലൂര്: പ്രമുഖ സോഫ്റ്റ് വേര് കയറ്റുമതിക്കാരായ ഇന്ഫോസിസ് ടെക്നോളജീസ് ബ്രസീലില് യൂണിറ്റ് ആരംഭിക്കുന്നു.
2009 അവസാനത്തോടെ സോഫ്റ്റ് വേര് വികസനത്തിനുള്ള കേന്ദ്രവും ബാക് ഓഫീസ് സെന്ററും ബ്രസീലില് ആരംഭിക്കാനാണ് കമ്പനിയുടെ പദ്ധതി. ഇന്ഫിയുടെ യുഎസ് ഇടപാടുകാര്ക്ക് മികച്ച സേവനം ലഭ്യമാക്കുക എന്ന ഉദ്ദേശത്തോടെയാണ് യൂണിറ്റ് തുടങ്ങുന്നത്.
ലോക്കല് ഡെലിവറി കേന്ദ്രം എന്നത് കൂടാതെ ഈ യൂണിറ്റ് ഇന്ഫോസിസിന് പ്രാദേശിക വിപണികളില്നിന്നുകൂടി ബിസിനസ് നേടിയെടുക്കുന്നതിന് സഹായകമാകുമെന്നും ഇന്ഫിയുടെ ചീഫ് ഫിനാന്ഷ്യല് ഓഫീസര് വി ബാലകൃഷ്ണന് അറിയിച്ചു.
അടുത്ത 34 മാസത്തിനുള്ളില് ഈ യൂണിറ്റ് പ്രവര്ത്തനം തുടങ്ങുമെന്നും 100 പേര്ക്ക് തൊഴില് ലഭ്യമാകുമെന്നും അദ്ദേഹം പറഞ്ഞു. ഈ രംഗത്തെ ഇന്ഫിയുടെ പ്രധാന എതിരാളികളായ ടിസിഎസിനും വിപ്രോയ്ക്കും നിലവില് ബ്രസീലില് യൂണിറ്റുകളുണ്ട്.
ടിസിഎസിന് ബ്രസീലിയയിലും സാവോ പോളോയിലും ഉള്ള രണ്ടുകേന്ദ്രങ്ങളിലായി ബ്രസീലില് മാത്രം 1700ഓളം ജീവനക്കാരുണ്ട്.