മകളുടെ മരണത്തിന് പിന്നാലെ ടൈസന് മൂന്നാം വിവാഹം
ലാസ് വേഗാസ്: ട്രെഡ്മില്ലില് കുടുങ്ങി പിഞ്ചുമകള് മരിച്ച് രണ്ടാഴ്ച തികയുന്നതിന് മുമ്പേ മുന് ലോക ബോക്സിങ് ചാമ്പ്യന് മൈക്ക് ടൈസന് മൂന്നാം വിവാഹത്തിനായി പള്ളിയിലെത്തി. കഴിഞ്ഞ ശനിയാഴ്ച ലാസ് വെഗാസിലെ ലാ ബെല്ല ചാപ്പലില് ആയിരുന്നു വിവാഹം. ടൈസന്റെ ഗേള് ഫ്രണ്ടായിരുന്നു സ്പൈസറാണ് വധു. വിവാഹ ചടങ്ങുകള് തീര്ത്തും സ്വകാര്യവും ലളിതവുമായിരുന്നെന്ന് ചാപ്പല് ഉടമസ്ഥര് വെളിപ്പെടുത്തി. കൗണ്ടി വിവാഹ രേഖകളും ടൈസന്റെ വിവാഹം സ്ഥിരീകരിയ്ക്കുന്നുണ്ട്.
42 കാരന് ടൈസനും 32 കാരി ലാകിയ സ്പൈസറും ഏറെക്കാലമായി പ്രണയത്തിലായിരുന്നുവെന്ന് മാധ്യമങ്ങള് റിപ്പോര്ട്ട് ചെയ്യുന്നു. കഴിഞ്ഞ മെയ് 26നാണ് ടൈസന്റെ നാലു വയസ്സുകാരിയായ മകള് എക്സോഡസ് ടൈസണ് കളിയ്ക്കുന്നതിനിടെ ട്രെഡ് മില്ലില് കുരങ്ങി മരണമടഞ്ഞത്.
1988 ലായിരുന്നു ടൈസന്റെ ആദ്യ വിവാഹം. നടി റോബിന് ഗിവെന്സ് ആയിരുന്നു വധു. ഗിവെന്സുമായുള്ള ബന്ധത്തിന് ഒരു വര്ഷമേ നീണ്ടു നിന്നുള്ളു. അതിനു ശേഷം 1997 ല് ഡോ. മോണിക ടര്ണര് ടൈസന്റെ വധുവായി. ടര്ണര് അഞ്ചുവര്ഷം ടൈസനൊപ്പം കഴിഞ്ഞു.