പിബിക്കും പിണറായിക്കുമെതിരെ പോസ്റ്റര്
ദില്ലി: ലാവലിന് കേസുമായി ബന്ധപ്പെട്ട് മുഖ്യമന്ത്രി വിഎസും പാര്ട്ടിയും രണ്ടു വഴിയ്ക്ക് നീങ്ങുന്നതിനിടെ സിപിഎം സംസ്ഥാന സെക്രട്ടറി പിണറായി വിജയനും പിബിയ്ക്കുമെതിരെ ദില്ലിയില് വീണ്ടും പോസ്റ്ററുകള്.
പ്രോസിക്യൂഷന് അനുമതി നല്കിയ ഗവര്ണറെ അഴിമതിക്കെതിരായ സഖാക്കള് സല്യൂട്ട് ചെയ്യുന്നുവെന്നും പോസ്റ്ററില് പറയുന്നു. ലാല്സലാം ഗവായ് ലാല്സലാം എന്നു പറഞ്ഞാണ് ഗവര്ണര്ക്ക് അഭിവാദ്യമാര്പ്പിയ്ക്കുന്നത്.
പാര്ട്ടി സെക്രട്ടറി പണം വാങ്ങിച്ചാല് അഴിമതിയാകുമോ?, ലോക്സഭാ തിരഞ്ഞെടുപ്പില് മഅദനിയെ കൂട്ടുപിടിച്ച് പിണറായി വിജയന് നടത്തിയ നീക്കങ്ങള് വിജയിച്ചില്ല, തുടങ്ങിയ പരാമര്ശങ്ങളും പോസ്റ്ററുകളിലുണ്ട്. വ്യാഴാഴ്ച രാവിലെയാണ് പോസ്റ്റുകള് പ്രത്യക്ഷപ്പെട്ടത്.
അതിനിടെ തിരുവനന്തപുരത്ത് മുഖ്യമന്ത്രി വിഎസ് അച്യുതാനന്ദനെതിരെയാണ് പോസ്റ്ററുകള് പതിപ്പിച്ചിട്ടുണ്ട്. മുഖ്യമന്ത്രിയുടെ ഔദ്യോഗിക വസതിയായ ക്ലിഫ് ഹൗസിനു മുമ്പിലാണ് പോസ്റ്ററുകള് പതിപ്പിച്ചിരിക്കു്നനത്. യുഡിഎഫിനു വേണ്ടി തൊഴിലാളി വര്ഗത്തെ ഒറ്റുകൊടുത്ത വിഎസിനെ പുറത്താക്കുക, വിഎസ് രാജിവയ്ക്കുക, വിഎസ് പാര്ട്ടിയിലെ ഗോര്ബച്ചേവ്, തുടങ്ങിയവയാണ് തിരുവനന്തപുരത്തെ പോസ്റ്ററുകളിലുള്ളത്.