കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

യശ്വന്ത്‌ സിന്‍ഹ പാര്‍ട്ടി സ്ഥാനങ്ങള്‍ രാജിവച്ചു

  • By Staff
Google Oneindia Malayalam News

ദില്ലി: ദേശീയ തലത്തില്‍ ബിജെപിയില്‍ വീണ്ടും ഉള്‍പ്പോര്‌. മുതിര്‍ന്ന നേതാവായ യശ്വന്ത്‌ സിന്‍ഹ നേതൃത്വത്തിന്റെ പ്രവര്‍ത്തനങ്ങളില്‍ അനിഷ്ടം പ്രകടിപ്പിച്ച്‌ പാര്‍ട്ടി പദവികള്‍ രാജിവച്ചുവെന്ന്‌ റിപ്പോര്‍ട്ട്‌.

ബിജെപിയുടെ ഉപാധ്യക്ഷന്‍ കൂടിയായ യശ്വന്ത്‌ സിന്‍ഹ തന്റെ രാജിക്കത്ത്‌ വൈകാതെതന്നെ പാര്‍ട്ടി പ്രസിഡന്റ്‌ രാജ്‌നാഥ്‌ സിങിന്‌ കൈമാറും. മുന്‍ എന്‍ഡിഎ മന്ത്രിസഭയില്‍ വിദേശകാര്യം ധനാക്യം എന്നീ വകുപ്പുകള്‍ യശ്വന്ത്‌ കൈകാര്യം ചെയ്‌തിട്ടുണ്ട്‌. ഒരു മുതിര്‍ന്ന നേതാവായ യശ്വന്ത്‌ ഇത്തരത്തിലൊരു തീരുമാനമെടുത്തത്‌ പാര്‍ട്ടിയെ അമ്പരിപ്പിച്ചിരിക്കുകയാണ്‌.

നേതൃനിരയിലുള്ള ചിലരുടെ പ്രവര്‍ത്തനങ്ങളോട്‌ സിന്‍ഹയ്‌ക്ക്‌ അതൃപ്‌തിയുണ്ടെന്നും അതുകാണിച്ചുകൊണ്ട്‌ അദ്ദേഹം രാജ്‌നാഥ്‌ സിങിന്‌ കത്തെഴുതിയിട്ടുണ്ടെന്നും റിപ്പോര്‍ട്ടുകള്‍ സൂചിപ്പിക്കുന്നു.

തിരഞ്ഞെടുപ്പ്‌ പ്രചാരണത്തിന്‌ നേതൃത്വം നല്‍കിയവരെ പരസ്യമായി വിമര്‍ശിച്ചുകൊണ്ട്‌ കഴിഞ്ഞ ദിവസം രംഗത്തുവന്ന ജസ്വന്ത്‌ സിങിനെതിരെ ആദ്യം അച്ചടക്ക നടപടിയെടുക്കണമെന്ന്‌ നേതൃത്വം ആലോചിച്ചിരുന്നുവെങ്കിലും പിന്നീട്‌ വേണ്ടെന്ന്‌ വയ്‌ക്കുകയായിരുന്നു.

ഇതിന്‌ പിന്നാലെയാണ്‌ ഇപ്പോള്‍ യശ്വന്തും രാജിവയ്‌ക്കാന്‍ തീരുമാനിച്ചിരിക്കുന്നത്‌. എല്‍കെ അദ്വാനിയോും അദ്ദേഹത്തിന്റെ പക്ഷക്കാരോടും വിരോധം സൂക്ഷിക്കുന്നവരാണ്‌ യശ്വന്തും ജസ്വന്തും.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X