പിണറായിയുടെ കാര്യം തീരുമാനിക്കേണ്ടത്‌ സിപിഎം

ദില്ലി: പിണറായി വിജയന്‍ സിപിഎം സംസ്ഥാന സെക്രട്ടറി സ്ഥാനം ഒഴിയണോ എന്ന കാര്യം തീരുമാനിക്കേണ്ടത്‌ സിപിഎമ്മിന്റെ കേന്ദ്ര സംസ്ഥാന നേതൃത്വങ്ങളാണെന്ന്‌ സിപിഐ ജനറല്‍ സെക്രട്ടറി എബി ബര്‍ദന്‍ പറഞ്ഞു.

ഇക്കാര്യത്തില്‍ സിപിഎം സംസ്ഥാന നേതൃത്വം തന്നെയാണ്‌ ഉചിതമായ തീരുമാനമെടുക്കേണ്ടത്‌. ഇതിന്‌ കഴിഞ്ഞില്ലെങ്കില്‍ കേന്ദ്രനേത്വം ഇടപെടണം.

ലാവലിന്‍ കേസ്‌ നിയമപരമായി നേരിടണം. പിണറായിയും വിഎസ്‌ അച്യുതാനന്ദനും തമ്മിലുള്ള തര്‍ക്കങ്ങള്‍ ഇതേരീതിയില്‍ തുടരുന്നത്‌ മോശമാണ്‌- ബര്‍ദന്‍ പറഞ്ഞു.

ഗവര്‍ണറുടെ വിവേചനാധികാരം സംബന്ധിച്ച്‌ പ്രതികരിക്കാന്‍ തയ്യാറാത്ത അദ്ദേഹം ഗവര്‍ണറുടെ തീരുമാനത്തെ ചോദ്യം ചെയ്യുന്നതില്‍ തെറ്റില്ലെന്ന്‌ വ്യക്തമാക്കി.

വിആര്‍ കൃഷ്‌ണയ്യരെപോലെയുള്ള ഉന്നത നിയമജ്ഞരുടെ അഭിപ്രായമനുസരിച്ച്‌ ഇക്കാര്യങ്ങള്‍ നീക്കാമല്ലോ എന്ന്‌ അദ്ദേഹം നിര്‍ദ്ദേശിച്ചു.

മൂന്നാം മുന്നണി ഉണ്ടാക്കാനുള്ള ശ്രമങ്ങള്‍ തെറ്റായിപ്പോയി. മൂന്നാം ബദല്‍ എന്ന പാര്‍ട്ടികോണ്‍ഗ്രസിലെ തീരുമാനം നടപ്പിലാക്കാന്‍ സാധിച്ചില്ല. എല്ലാ ഇടതുപാര്‍ട്ടികളും ഈ തെറ്റിന്‌ ഉത്തരാവദികളാണ്‌. വ്യക്തികളെ ലക്ഷ്യം വെയ്‌ക്കുന്നത്‌ ശരിയല്ല- ബര്‍ദന്‍ പറഞ്ഞു.