ബ്രിട്ടനില് പന്നിപ്പനി ബാധിച്ച് ഒരാള് മരിച്ചു
ലണ്ടന്: പന്നിപ്പനി ബാധയെത്തുടര്ന്ന് ബ്രിട്ടനില് ഒരാള് മരിച്ചു. അമേരിയ്ക്കന് ഭൂകണ്ഡത്തിന് പുറത്ത് ഇതാദ്യമായാണ് പന്നിപ്പനി ബാധയെത്തുടര്ന്ന് മരണം സ്ഥിരീകരിക്കുന്നത്.
സ്കോട്ട്ലാന്റിലെ ആശുപത്രിയിലാണ് മരണം സംഭവിച്ചത്. മരിച്ചയാളുടെ പേര് ആശുപത്രി അധികൃതര് വെളിപ്പെടുത്തിയിട്ടില്ല. പന്നിപ്പനി ബാധയെത്തുടര്ന്ന് ഇവിടെ പത്തുപേരെ പ്രവേശിപ്പിച്ചിരുന്നു. ഇതിലൊരാളാണ് മരിച്ചതെന്ന് സ്കോട്ട്ലാന്റ് സര്ക്കാര് അറിയിച്ചു.
ബ്രിട്ടനില് ഇതേവരെ 1226 പേരില് പന്നിപ്പനി ബാധ സ്ഥിരീകരിച്ചിട്ടുണ്ട്. എന്നാല് ഇതുമൂലം മരണം സംഭവിക്കുന്നത് ഇതാദ്യമാണ്.
കഴിഞ്ഞ ദിവസം ലോകാരോഗ്യ സംഘടന പുറത്തുവിട്ട കണക്കുപ്രകാരം 74 രാജ്യങ്ങളിലായി 29,669 പേര്ക്ക് എച്ച്1 എന്1 വൈറസ് ബാധിച്ചതായി സ്ഥിരീകരിച്ചട്ടുണ്ട്.
ഇതിനിടെ ഇന്ത്യയിലെ പന്നിപ്പനി ബാധിതരുടെ എണ്ണം 23ആയിട്ടുണ്ട്. ഇതില് മിക്കവരും അമേരിക്കയില് നിന്നുമെത്തിയവരാണ്.