Get Updates
Get notified of breaking news, exclusive insights, and must-see stories!

ടീകോമിന്റെ ആശങ്കകള്‍ ദൂരീകരിയ്‌ക്കും

തിരുവനന്തപുരം: സ്‌മാര്‍ട്ട്‌ സിറ്റി പദ്ധതിയുമായി ബന്ധപ്പെട്ട്‌ ടീകോം പ്രകടിപ്പിച്ച ആശങ്കകള്‍ ദൂരീകരിക്കുന്നതിന്‌ ചീഫ്‌ സെക്രട്ടറിയെ ചുമതലപ്പെടുത്തിയതായി മുഖ്യമന്ത്രി വിഎസ്‌ അച്യുതാനന്ദന്‍ അറിയിച്ചു. സ്‌മാര്‍ട്ട്‌ സിറ്റി പ്രശ്‌നത്തില്‍ ഉടന്‍ തന്നെ ചീഫ്‌ സെക്രട്ടറി ടീകോമുമായി ചര്‍ച്ച നടത്തി അവരുടെ ആശങ്കകള്‍ ദൂരീകരിക്കും. മന്ത്രിസഭാ തീരുമാനങ്ങള്‍ മാധ്യമപ്രവര്‍ത്തകരോട്‌ വിശദീകരിയ്‌ക്കുകയായിരുന്നു മുഖ്യമന്ത്രി.

ലാവലിന്‍ വിഷയം മന്ത്രിസഭായോഗം ചര്‍ച്ച ചെയ്യുമെന്നാണ്‌ നേരത്തെ പറഞ്ഞിരുന്നതെങ്കിലും അതുണ്ടായില്ല. ചെറിയതുറ സംഘര്‍ഷത്തില്‍ പോലീസ്‌ വെടിവെപ്പില്‍ പരിക്കേറ്റ നിസാമുദ്ദീന്‌ അഞ്ചു ലക്ഷം രൂപയും ഷംസുദ്ദീന്‌ മൂന്നു ലക്ഷം രൂപയും ധനസഹായം നല്‍കാന്‍ യോഗം തീരുമാനിച്ചു.

സംഘര്‍ഷത്തില്‍ നാശനഷ്ടമുണ്ടായ 20 കുടുംബങ്ങള്‍ക്ക്‌ 22 ലക്ഷം രൂപ ധനസഹായവും നല്‍കും. കളക്ടറുടെ റിപ്പോര്‍ട്ട്‌ പ്രകാരമാണ്‌ ഇക്കാര്യത്തില്‍ തീരുമാനമെടുത്തത്‌.

തലശ്ശേരിയില്‍ മാതൃഭൂമിയുടെ പത്രക്കെട്ടുകള്‍ നശിപ്പിച്ച സംഭവം അപലപനീയമാണെന്നും കുറ്റക്കാര്‍ക്കെതിരെ കര്‍ശന നടപടിയെടുക്കുമെന്നും മുഖ്യമന്ത്രി പറഞ്ഞു. ആരാധനാലയങ്ങള്‍ക്കും വിദ്യാഭ്യാസ സ്ഥാപനങ്ങള്‍ക്കും നേരെയുള്ള ആക്രമണം അപലപനീയമാണ്‌. ട്രോളിംഗ്‌ നിരോധനം സംബന്ധിച്ച്‌ പഠിക്കാന്‍ നിയോഗിച്ച വിദഗ്‌ധസമിതിയുടെ ശുപാര്‍ശകള്‍ അംഗീകരിക്കുമെന്നും മുഖ്യമന്ത്രി പറഞ്ഞു.

More From
Prev
Next
Notifications
Settings
Clear Notifications
Notifications
Use the toggle to switch on notifications
  • Block for 8 hours
  • Block for 12 hours
  • Block for 24 hours
  • Don't block
Gender
Select your Gender
  • Male
  • Female
  • Others
Age
Select your Age Range
  • Under 18
  • 18 to 25
  • 26 to 35
  • 36 to 45
  • 45 to 55
  • 55+