പിണറായി വിജയന് രാജിവെക്കേണ്ട ആവശ്യമില്ല: വിശ്വന്
ദില്ലി: ലാവലിന് കേസുമായി ബന്ധപ്പെട്ട് സിപിഎം സംസ്ഥാന സെക്രട്ടറി പിണറായി വിജയന് രാജിവെയ്ക്കേണ്ട രാഷ്ട്രീയ സാഹചര്യം കേരളത്തിലില്ലെന്ന് ഇടതുമുന്നണി കണ്വീനര് വൈക്കം വിശ്വന് പറഞ്ഞു.
ശനിയാഴ്ച നടക്കുന്ന സിപിഎം കേന്ദ്രകമ്മറ്റി യോഗത്തില് പങ്കെടുക്കുന്നതിന് ദില്ലിയില് എത്തിയതായിരുന്നു അദ്ദേഹം. പിണറായി വിജയനെ വിചാരണ ചെയ്യാന് അനുമതി നല്കിയ ഗവര്ണറുടെ നടപടിക്കെതിരെ ഉറച്ചുനില്ക്കുമെന്നും അദ്ദേഹം വ്യക്തമാക്കി.
പിണറായി വിജയനെ സെക്രട്ടറി സ്ഥാനത്ത് നിന്നും നീക്കാനുള്ള ശ്രമങ്ങളുണ്ടായാല് അതിനെ നേരിടുമെന്നുള്ള ഔദ്യോഗികപക്ഷ നിലപാടാണ് വൈക്കം വിശ്വനില് നിന്നുണ്ടായതെന്ന് വിലയിരുത്തപ്പെടുന്നു.
പെരിന്തല്മണ്ണയില് നടന്ന ഇഎംസ് ജന്മശതാബ്ദി സമ്മേളനത്തില്നിന്ന് വിഎസ് അച്യുതാനന്ദനെ ഒഴിവാക്കിയതിനെക്കുറിച്ച് അദ്ദേഹം തന്നെ അന്വേഷിക്കട്ടെയെന്നും വൈക്കം വിശ്വന് പറഞ്ഞു.