കാര്യങ്ങൾ അതിവേഗം അറിയാൻ
നോട്ടിഫിക്കേഷൻ അനുവദിക്കൂ  
For Daily Alerts
Oneindia App Download

വരുണ്‍ പ്രസംഗം: സിഡിയില്‍ കൃത്രിമത്വമില്ല

  • By Super
Google Oneindia Malayalam News

ദില്ലി: തിരഞ്ഞെടുപ്പ്‌ പരാജയത്തെക്കുറിച്ചുള്ള വിലയിരുത്തലുകള്‍ തുടരുന്നതിനിടെ ബിജെപിയ്‌ക്ക്‌ വീണ്ടും തിരിച്ചടി. ലോക്‌സഭാ തിരഞ്ഞെടുപ്പിനിടെ പാര്‍ട്ടിയെ സമ്മര്‍ദ്ദത്തിലാഴ്‌ത്തിയ പിലിഭിത്ത്‌ എംപിയും ബിജെപി നേതാവുമായ വരുണിന്റെ വിവാദ പ്രസംഗം അടങ്ങുന്ന സിഡിയില്‍ കൃത്രിമത്വ നടന്നിട്ടില്ലെന്ന്‌ ഹൈദരാബാദിലെ ഫോറന്‍സിക്‌ ലാബില്‍ നടത്തിയ പരിശോധനയില്‍ തെളിഞ്ഞു.

പരിശോധനാഫലം ലാബ്‌ അധികൃതര്‍ പിലിഭിത്ത്‌ മജിസ്‌ട്രേറ്റിന്‌ കൈമാറിയിട്ടുണ്ട്‌. സിഡിയില്‍ കൃത്രിമത്വം നടന്നിട്ടുണ്ടെന്നും ഇതിലെ ശബ്ദം തന്റേതല്ലെന്നുമുള്ള വരുണിന്റെ വാദം തെറ്റാണെന്ന്‌ ഇതോടെ തെളിഞ്ഞു. തിരഞ്ഞെടുപ്പ്‌ പ്രചാരണത്തിനിടെ വരുണ്‍ നടത്തിയ മതവിരുദ്ധ പ്രസംഗം വിവാദമായതിനെ തുടര്‍ന്ന്‌ ബിജെപിയും സിഡി കൃത്രിമമാണെന്ന നിലപാട്‌ തന്നെയാണ്‌ സ്വീകരിച്ചിരുന്നത്‌.

വരുണിനെതിരെ ദേശരക്ഷാ നിയമപക്രാരം കേസെടുത്ത യുപി സര്‍ക്കാര്‍ അദ്ദേഹത്തെ ജയിലിലടച്ചിരുന്നു. പിന്നീട്‌ സുപ്രീം കോടതി ജാമ്യം അനുവദിച്ചതോടെയാണ്‌ വരുണ്‍ മോചിതനായത്‌. വിവാദപ്രസംഗവുമായി ബന്ധപ്പെട്ട്‌ ആറോളം എഫ്‌ഐആറുകള്‍ വരുണിനെതിരെ രജിസ്റ്റര്‍ ചെയ്‌തിട്ടുണ്ട്‌.

വാർത്തകൾ അതിവേഗം അറിയൂ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X
X