Click it and Unblock the Notifications
Just In
Don't Miss
-
IPL 2024: ഹാര്ദിക് എന്തിന് ടീമില്? വീണ്‌ടും ഫ്ളോപ്പ്; ലോകകപ്പ് ടീമിലും വേണ്ട! ട്രോളി ഫാന്സ് -
അവള് എന്നെ വിട്ടു പോയില്ല; ചില വൃത്തികെട്ടവന്മാരെ പെണ്കുട്ടികള്ക്ക് ഇഷ്ടമാവും; ഭാര്യയെക്കുറിച്ച് ധ്യാന് -
കുഞ്ഞിനെ പാലൂട്ടുമ്പോള് പുറം വേദന കൂടുതലോ, കാരണമറിയാം -
പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര -
വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ -
തുടർച്ചയായ അഞ്ചാം വർഷവും ബുൾ റൺ, നാല്‌ വർഷത്തെ നേട്ടം 2765%, ഈ ഓഹരി പൊളിയാണ് -
ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
ലാന്‍കോ പിന്മാറി; വിഴിഞ്ഞം പദ്ധതി അവതാളത്തില്‍
തിരുവനന്തപുരം: വിഴിഞ്ഞം തുറമുഖ നിര്‍മാണ പദ്ധതിയില്‍ നിന്ന്‌ കരാറുകാരായ ലാന്‍കോ കൊണ്ടാപ്പള്ളി കണ്‍സോര്‍ഷ്യം പിന്മാറി. 55 കോടി രൂപ കെട്ടിവെച്ച്‌ പദ്ധതി ഏറ്റെടുക്കാന്‍ ലാന്‍കോയോട്‌ ആവശ്യപ്പെടാനിരിയ്‌ക്കെയാണ്‌ കമ്പനിയുടെ പിന്‍മാറ്റം.
നിയമപ്രശ്‌നങ്ങള്‍ കാരണം പദ്ധതി നീണ്ടു പോകുന്നതിനാല്‍ രാജ്യാന്തര കണ്ടെയ്‌നര്‍ ട്രാന്‍സ്‌ഷിപ്‌മെന്റ്‌ ടെര്‍മിനല്‍ പദ്ധതി നടപ്പില്‍ നിന്നും പിന്‍മാറുന്നതായി കാണിച്ചാണ്‌ കമ്പനി സര്‍ക്കാരിന്‌ കത്ത്‌ നല്‍കിയത്‌. വിഴിഞ്ഞം തുറമുഖം സിഇഒ എല്‍ രാധാകൃഷ്‌ണനെയാണ്‌ കമ്പനി അധികൃതര്‍ കത്ത്‌ ഏല്‍പിച്ചത്‌. പദ്ധതിയിലെ അനിശ്‌ചിതത്വവും തുടര്‍ച്ചയായ നിയമ പ്രശ്‌നങ്ങളുമാണ്‌ പിന്‍മാറലിന്‌ കാരണമായി അറിയിച്ചിരിക്കുന്നത്‌.
സൂം കണ്‍സോര്‍ഷ്യത്തെ സര്‍ക്കാര്‍ നേരത്തെ അയോഗ്യരാക്കിയ പശ്ചാത്തലത്തില്‍ 8000 കോടി രൂപയുടെ പദ്ധതി ഇനി പുനര്‍ലേലം ചെയ്യേണ്ടി വരുമെന്ന്‌ ഉറപ്പായി. പദ്ധതിയുടെ ഒന്നാം ഘട്ടം നാല്‌ വര്‍ഷത്തിനകം പ്രവര്‍ത്തനസജ്ജമാവുമെന്ന്‌ മന്ത്രി എം വിജയകുമാര്‍ നിയമസഭയെ അറിയിച്ചതതിന്‌ പിന്നാലെയാണ്‌ ലാന്‍കോയുടെ കത്ത്‌ ലഭിച്ചത്‌.
അതേ സമയം ലാന്‍കോ വന്‍ സാമ്പത്തിക പ്രതിസന്ധിയിലാണെന്നാണ്‌ സൂചന. ഇതാണ്‌ പിന്‍മാറ്റത്തിന്‌ കാരണമെന്നും അറിയുന്നു. ഹൈദരാബാദിലെ മെട്രോ പദ്ധതിയില്‍ നിന്നും ഒരാഴ്‌ച മുമ്പ്‌ ഇവര്‍ പിന്‍മാറിയതായി റിപ്പോര്‍ട്ടുകളുണ്ടായിരുന്നു.
നേരത്തെ നിര്‍മാണ കരാര്‍ ലാന്‍കോ കൊണ്‌ടപ്പള്ളിക്ക്‌ ല്‍കിയതിനെതിരെ സൂം ഡവലപ്പേഴ്‌സ്‌ നേരത്തെ സുപ്രീം കോടതിയെ സമീപിച്ചിരുന്നു. കോടതി വിധി പ്രകാരം സൂമിന്റെ ബിഡ്‌ വീണ്‌ടും പരിഗണിച്ചിരുന്നെങ്കിലും സാങ്കേതിക പോരായ്‌മകള്‍ ചൂണ്ടിക്കാട്ടി ബിഡ്‌ ഇവാലുവേഷന്‍ സമിതി ഇത് തള്ളുകയായിരുന്നു. ഇതിനെതിരെ സൂം വീണ്‌ടും ഹൈക്കോടതിയെ സമീപിക്കുമെന്ന്‌ അറിയിച്ചിരുന്ന സാഹചര്യത്തിലാണ്‌ പദ്ധതി നീട്ടിക്കൊണ്‌ടു പോകുന്നതില്‍ താല്‍പര്യമില്ലെന്ന്‌ കാണിച്ച്‌ ലാന്‍കോ പദ്ധതിയില്‍നിന്നും പിന്മാറിയിരിക്കുന്നത്‌.
