ലാല്ഗഢില് സൈനികനടപടി പുനരാരംഭിച്ചു
ലാല്ഗഢ്: പശ്ചിമ ബംഗാളിലെ ലാല്ഗഢില് താവളമുറപ്പിച്ച മാവോയിസ്റ്റുകളെ തുരത്താനുള്ള സൈനിക നീക്കം പുനരാരംഭിച്ചു. പിങ്കോവാനി, ഖാരസോള് മേഖലയിലേക്കാണ് സൈന്യം ഇപ്പോള് നീങ്ങുന്നതെന്ന് ഐജി രാജ് കൊനോജിയ അറിയിച്ചു.
മാവോയിസ്റ്റുകളുടെ നിയന്ത്രണത്തിലുള്ള ഗോല്തോര് മുതല് പിഗ്ബോനി വരെയുള്ള രണ്ട് കിലോമീറ്റര് പ്രദേശം നിയന്ത്രണത്തിലാക്കാനാണ് സൈന്യം ശ്രമിയ്ക്കുന്നത്. കാലാവസ്ഥയും മാവോയിസ്റ്റുകള്ക്ക് ലഭിയ്ക്കുന്ന പ്രാദേശിക പിന്തുണയുമാണ് സൈനികനീക്കത്തെ മന്ദീഭവിച്ചത്. സൈനിക നടപടിയില് നേരത്തെ പങ്കെടുത്ത സേനാവിഭാഗങ്ങള്ക്ക് വിശ്രമം നല്കാനും തീരുമാനമായിട്ടുണ്ട്.
നിലവിലുള്ള സൈനികര്ക്കുപുറമെ 600 സി.ആര്.പി.എഫ് ജവാന്മാര് കൂടി വ്യാഴാഴ്ച ഇവിടെയെത്തിയിട്ടുണ്ട്. മാവോയിസ്റ്റുകളുമായി അന്തിമ പോരാട്ടത്തിന് 400 സൈനികര് കൂടി ഇവര്ക്കൊപ്പം ചേരുമെന്ന് അധികൃതര് അറിയിച്ചു.