യൂത്ത് കോണ്ഗ്രസ് യോഗത്തില് തമ്മിലടി
തിരുവനന്തപുരം: പുനസംഘടിപ്പിച്ച യൂത്ത് കോണ്ഗ്രസ് സംസ്ഥാനകമ്മിറ്റിയുടെ ആദ്യയോഗത്തില് തന്നെ വാക്കേറ്റവും കൈയ്യാങ്കളിയും. യോഗം അവസാനിക്കാറായപ്പോള് കൊല്ലം ജില്ലയിലെ മണ്ഡലം ഭാരവാഹികളെയും മറ്റും നിയമിക്കുന്നതു സംബന്ധിച്ച തര്ക്കമാണ് തര്ക്കത്തിനിടയാക്കിയത്.
തുടര്ന്ന് സംസ്ഥാന പ്രസിഡന്റ് എം ലിജു ഇടപെട്ട് ബഹളക്കാരെ പിരിച്ചു വിട്ടു. അര്ഹരായവരെ സംസ്ഥാനാ പ്രസിഡന്റും മുന് കെപിസിസി ഭാരവാഹിയും ചേര്ന്ന് അട്ടിമറിക്കുകയായിരുന്നെന്ന് യോഗത്തില് ഒരു വിഭാഗം ആരോപിച്ചിരുന്നു.
ഇതിനിടെ ഒഴിവാക്കപ്പെട്ട അഞ്ച് പേരെക്കൂടി ഭാരവാഹികളാക്കി സംഘടനയിലെ പ്രശ്നം തീര്ക്കാന് കോണ്ഗ്രസ് നേതൃത്വം ശ്രമം നടത്തുന്നുണ്ട്. എ ഗ്രൂപ്പിന് വേണ്ടത്ര പരിഗണന ലഭിച്ചില്ല എന്ന പരാതി പരിഹരിക്കുകയാണ് ലക്ഷ്യം. എന്നാല് അഖിലേന്ത്യാ യൂത്ത് കോണ്ഗ്രസ് നേതൃത്വം ഇതിനോട് യോജിക്കുമോയെന്ന് ഉറപ്പായിട്ടില്ല.