ചന്ദ്രയാന്‌ ഗുരുതരമായ സാങ്കേതിക തകരാര്‍

ബാംഗ്ലൂര്‍: ബഹിരാകാശ രംഗത്ത്‌ ഇന്ത്യയുടെ യശസ്സുയര്‍ത്തിയ ചന്ദ്രയാന്‍ പദ്ധതിയില്‍ സാങ്കേതിക തകരാര്‍.

ചന്ദ്രയാനിലെ സ്റ്റാര്‍ സെന്‍സറുകളിലാണ്‌ തകരാര്‍ ഉണ്ടായിരിക്കുന്നത്‌‌. പദ്ധതിയുടെ ഭാവിയെ തന്നെ ബാധിയ്‌ക്കുന്നതാണ്‌ തകരാര്‍ എന്ന്‌ വിലയിരുത്തപ്പെടുന്നു. ചന്ദ്രന്‌ ചുറ്റുമുള്ള ചാന്ദ്രയാന്റെ ഭ്രമണപഥം നിര്‍ണയിക്കുന്നത്‌ സ്റ്റാര്‍ സെന്‍സറുകളാണ്‌. തകരാര്‍ പരഹിരിയ്‌ക്കുന്നതിന്‌ ഐഎസ്‌ആര്‍ഒ ആരംഭിച്ചെന്ന് സതീഷ് ധവാന്‍ സ്പേസ് സെന്റര്‍ വക്താക്കള്‍ അറിയിച്ചു. എന്നാല്‍ ഇത്‌ ലക്ഷ്യത്തിലെത്തുമോയെന്ന്‌ അവര്‍ക്ക്‌ ഉറപ്പില്ല.

തകരാര്‍ കണ്ടെത്തിയതായി ഐഎസ്‌ആര്‍ഒ ചെയര്‍മാന്‍ ജി മാധവന്‍ നായര്‍ സമ്മതിച്ചു. എന്നാല്‍ തകരാര്‍ ചന്ദ്രയാന്‍റെ പ്രവര്‍ത്തനങ്ങളെ ബാധിക്കില്ലെന്നും ഇത്‌ ഉടന്‍ പരിഹരിക്കാന്‍ കഴിയുമെന്നും അദ്ദേഹം പറഞ്ഞു.

2008 ഒക്ടോബര്‍ 22ന്‌ ശ്രീഹരിക്കോട്ടയിലെ സതീഷ്‌ ധവാന്‍ ബഹിരാകാശകേന്ദ്രത്തില്‍ നിന്നാണ്‌ ചന്ദ്രയാന്‍ വിക്ഷേപിച്ചത്‌.