Click it and Unblock the Notifications
Just In
Don't Miss
-
'വിന്നർ ലാലേട്ടൻ തന്നെ, ജിന്റോ ഭയങ്കര സംഭവമാണെന്ന് തോന്നിയില്ല, എല്ലാത്തിനും കാരണം ജാസ്മിന്റെ കയ്യിലിരുപ്പ്' -
IPL 2024: ആദ്യ 16 ബോളില് 31, അടുത്ത 21 ബോളില് 19! വീണ്ടും ഫിഫ്റ്റിക്കു കളിച്ച് കോലി, വിമര്ശനം -
നഖത്തില് ഇനി പറയുന്ന മാറ്റങ്ങള് ഉടന് തന്നെ ഡോക്ടറെ കാണിക്കണം -
ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും -
'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ -
മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ -
മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
കോടിയേരിയുടെ വീട്ടില്‍ റെയ്ഡുണ്ടാവില്ല
തിരുവനന്തപുരം: ചെറിയതുറ വെടിവയ്‌പ്പ്‌ കേസിലെ തെളിവുകള്‍ കണ്ടെത്താന്‍ ആഭ്യന്തര മന്ത്രിയുടെയും ഡിജിപിയുടെയും വീടുകള്‍ റെയ്‌ഡ്‌ ചെയ്യണമെന്ന ജുഡീഷ്യല്‍ ഫസ്റ്റ്‌ ക്ലാസ്‌ മജിസ്‌ട്രേറ്റ്‌ കോടതി ഉത്തരവ്‌ ജില്ലാ കോടതി റദ്ദാക്കി.
ചെറിയതുറയില്‍ വര്‍ഗ്ഗീയ ലഹളയ്‌ക്ക്‌ സാധ്യതയുണ്ടെന്ന്‌ കാണിച്ച്‌ സ്‌പെഷ്യല്‍ ബ്രാഞ്ചും ഇന്റലിജന്റസും നല്‌കിയ റിപ്പോര്‍ട്ടുകള്‍ ആഭ്യന്തര മന്ത്രിയുടെ കിടപ്പമുറിയിലെ അലമാരിയിലും ഡിജിപിയുടെ വീട്ടിലും ഒളിപ്പിച്ചിരിയ്‌ക്കുകയാണെന്ന്‌ ആരോപിച്ച്‌ നെയ്യാറ്റിന്‍കര നാഗരാജ്‌ നല്‌കിയ പൊതു താല്‍പര്യ ഹര്‍ജി ഹര്‍ജിയിലാണ്‌ റെയ്‌ഡ്‌ നടത്താന്‍ മജിസ്‌ട്രേറ്റ്‌ കോടതി ഉത്തരവിട്ടത്‌.
കീഴ്‌ക്കോടതിയുടെ വിധിയെ ചോദ്യം ചെയ്‌ത്‌ ഇന്റലിജന്‍സ്‌ അഡീഷണല്‍ ഡിജിപി സിബി മാത്യു പബ്ലിക്‌ പ്രോസിക്യൂട്ടര്‍ രാജസേനന്‍ മുഖേന പുനപരിശോധനാ ഹര്‍ജി ജില്ലാ ജഡ്‌ജി രാമകൃഷ്‌ണന്‌ സമര്‍പ്പിച്ചിരുന്നു. ഇതിനെത്തുടര്‍ന്നാണ്‌ ജില്ലാ കോടതി കീഴ്‌ക്കോടതി വിധി അസ്ഥിരപ്പെടുത്തിയത്‌.
തെളിവ്‌ നിയമത്തിലെ 123ാം വകുപ്പ്‌ പ്രകാരം രഹസ്വ സ്വഭാവമുള്ള രേഖകള്‍ വെളിപ്പെടുത്താതിരിയ്‌ക്കാന്‍ സര്‍ക്കാരിന്‌ അവകാശമുണ്ട്‌. ഇത്തരമൊരു റിപ്പോര്‍ട്ടില്ലെന്ന്‌ റിവ്യൂ ഹര്‍ജിയില്‍ വ്യക്തമാക്കിയിരുന്നു. നിയമവശങ്ങള്‍ പരിഗണിയ്‌ക്കാതെയും പരിണതഫലം എന്തായിരിക്കുമെന്ന്‌ വിലയിരുത്താതെയുമാണ്‌ മജിസ്‌ട്രേറ്റ്‌ കോടതിയുടെ ഉത്തരവ്‌.
റെയ്‌ഡിന്‌ നിര്‍ദ്ദേശം നല്‌കിയത്‌ ആരുടെയൊക്കെ വീടുകളിലാണെന്ന്‌ പ്രാഥമിക പരിശോധന പോലും നടത്തിയില്ല. ഹര്‍ജിക്കാരന്റെ ഊഹാപോഹങ്ങളുടെ മാത്രം അടിസ്ഥാനത്തില്‍ സമൂഹത്തില്‍ ഉന്നതസ്ഥാനം വഹിയ്‌ക്കുന്നവരുടെ വീടുകള്‍ പരിശോധിയ്‌ക്കാന്‍ ഉത്തരവ്‌ പുറപ്പെടുവിയ്‌ക്കാന്‍ പാടില്ലായിരുന്നു. ഹര്‍ജിക്കാരന്‍ നെയ്യാറ്റിന്‍കര നാഗരാജിനെയും കോടതി നിശിതമായി വിമര്‍ശിച്ചു.
