മോഷണം പോയ പോലീസ് ജീപ്പിന്റെ ഡ്രൈവര് മരിച്ചു
തിരുവനന്തപുരം: തിരുവനന്തപുരം എയര്പോര്ട്ട് എമിഗ്രേഷന് വിഭാഗം സിഐ അനില്കുമാറിന്റെ വീടിനു മുന്നില് നിന്ന് മോഷണം പോയ പോലീസ് ജീപ്പിന്റെ ഡ്രൈവര് ലോറിയിടിച്ച് മരിച്ചു. ഡ്രൈവര് ശരണ്ചന്ദ്രന് ആണ് പേട്ടയില് തിങ്കളാഴ്ച ഉച്ചയ്ക്ക് ഉണ്ടായ അപകടത്തില് മരിച്ചത്.
തിങ്കളാഴ്ച പുലര്ച്ചെയാണ് സര്ക്കിള് ഇന്സ്പെക്ടറുടെ വീടിനു മുന്നില് നിറുത്തിയിട്ടിരുന്ന പോലീസ് ജീപ്പ് മോഷണം പോയത്. മുളവനയിലെ വീട്ടില് ജീപ്പ് കയറാത്തതിനാല് റോഡിലായിരുന്നു പാര്ക്ക് ചെയ്തതിരുന്നത്.
അപകടത്തില് മരിച്ച ശരണ്ചന്ദ്രനാണ് ജീപ്പ് സിഐയുടെ വീടിന് മുന്നില് രാത്രി പാര്ക്ക് ചെയ്തത്. മ്യൂസിയം പോലീസ് ചാര്ജ്ജ് ചെയ്ത കേസില് ഡ്രൈവറാണ് ജീപ്പ് വീടിന് മുന്നില് നിര്ത്തിയിട്ടിരുന്നതെന്നും ബാക്കി കാര്യങ്ങളൊന്നും അറിയില്ലെന്നും സിഐ അനില് കുമാര് മൊഴി നല്കിയിരുന്നു. ഇതേ തുടര്ന്ന് ശരണ്ചന്ദ്രന് കടുത്ത മാനസിക വിഷമം അനുഭവിച്ചിരുന്നുവെന്നും റിപ്പോര്ട്ടുകളുണ്ട്.