കോണ്ടിനെന്റല് കലാമിനോട് മാപ്പ് ചോദിച്ചു
ദില്ലി: മുന് രാഷ്ട്രപതി എപിജെ അബ്ദുള് കലാമിനെ ദില്ലി ഇന്ദിരാഗാന്ധി അന്താരാഷ്ട്ര വിമാനത്താവളത്തില് വച്ചു ദേഹപരിശോധന നടത്തിയ സംഭവത്തില് അമേരിക്കന് വിമാനക്കമ്പനിയായ കോണ്ടിനെന്റല് എയര്ലൈന്സ് അധികൃതര് മാപ്പു പറഞ്ഞു.
"സംഭവത്തില്
ഞങ്ങള്
നിരുപാധികം
മാപ്പു
പറയുന്നു.
കലാമിന്റെ
വികാരങ്ങളെ
വ്രണപ്പെടുത്തുകയെന്ന
ഉദ്ദേശം
ഞങ്ങള്ക്കുണ്ടായിരുന്നില്ല.
അദ്ദേഹത്തിന്
നേരിട്ട
അസൗകര്യങ്ങളില്
ഞങ്ങള്
ഖേദിയ്ക്കുന്നു."
കോണ്ടിനെന്റല്
കമ്പനി
പുറത്തിറക്കിയ
പ്രസ്താവന
വിശദീരിയ്ക്കുന്നു.
ഇന്ത്യന് നിയമങ്ങളനുസരിച്ച് മുന് രാഷ്ട്രപതിമാര്, മുന് പ്രധാനമന്ത്രിമാര്, ചീഫ് ജസ്റ്റിസ്് തുടങ്ങിയവരെയെല്ലാം ദേഹപരിശോധനയില് നിന്നും ഒഴിവാക്കണമെന്നാണ് നിയമം. കലാമിനെ ദേഹപരിശോധനയ്ക്ക് വിധേയമാക്കിയ എയര്ലൈന് അധികൃതരുടെ നടപടി വിവാദമായതിനെ തുടര്ന്ന് വിമാനകമ്പനിക്കെതിരെ എഫ്ഐആര് രജിസ്റ്റര് ചെയ്തിരുന്നു.
കഴിഞ്ഞ ഏപ്രില് 21ന് ന്യൂയോര്ക്കിലേക്ക് പോകാനായി വിമാനത്താവളത്തിലെത്തിയപ്പോഴാണ് കലാമിനോട് അപമര്യാദയായി എയര്ലൈന് ഉദ്യോഗസ്ഥര് പെരുമാറിയത്.
മുന്രാഷ്ട്രപതിയാണെന്നു കൂടെയുള്ളവര് അറിയിച്ചിട്ടും ഉദ്യോഗസ്ഥര് പരിശോധന തുടരുകയായിരുന്നു. അദ്ദേഹത്തിന്റെ ബെല്റ്റും ഷൂസും അഴിച്ചുമാറ്റുകയും തുടര്ന്നു കൈകള് ഉയര്ത്തിപ്പിടിച്ചു ദേഹപരിശോധന നടത്തുകയും ചെയ്തു. ബാഗുകളും മൊബൈല്ഫോണും എക്സ്റേ പരിശോധനയ്ക്കു വിധേയമാക്കി. അമേരിക്കയില് ചെന്നപ്പോഴും ഇതു ആവര്ത്തിച്ചു. എല്ലാവരുടേയും മുന്നില് വച്ചായിരുന്നു പരിശോധന. എന്നാല് ഇതു സംബന്ധിച്ചു കലാം പരാതിപ്പെടാതിരുന്നതിനാലാണ് സംഭവം ഇത്രയും കാലം രഹസ്യമായിരുന്നത്.